10 yaşlı qızın Şaxta babadan istədiyi hədiyyəni "Azərpoçt" göndərdi - VİDEO
Bakıda azyaşlı qız Şaxta babaya məktub yazıb və hədiyyə istəyib. Məktub qaydalara uyğun olmadığından poçt əməkdaşlarının diqqətini çəkib və onu açıb oxuyublar. Uşağın istədiyi hədiyyəni də Şaxta babanın adından ona göndəriblər.
Mynews.az bildirir ki, 10 yaşlı qızın Şaxta babadan istədiyi hədiyyəni "Azərpoçt" göndərib.
Paytaxtın Xətai rayonu, Köhnə Günəşli qəsəbə sakini Nigar Hüseynli dekabrın 4-də hədiyyə istəmək üçün Şaxta babaya məktub yazıb. Məktub yazmaq onun məktəbli kitabçasında gördüyü qeyddən sonra ağlına gəlib.
4-cü sinif şagirdi olan Nigar Şaxta babanın hədiyyəni göndərməsi üçün evlərinin ünvanını məktubda qeyd edib. Lakin məktub normal qaydalara uyğun yazılmadığından poçt əməkdaşlarının diqqətini çəkib.
4 gün əvvəl isə "Azərpoçt" MMC-nin poçt bağlamaları daşıyan maşını vasitəsi ilə böyük bir bağlama Nigarın məktubu qutuya atdığı 15 saylı poçt şöbəsinə göndərilib. Uşağın valideynləri də qaydalara uyğun olaraq bağlamanı almaq üçün oraya dəvət ediliblər.
Göndərilən bağlamada Nigarın istədiyi gəlinciklə yanaşı, bir neçə oyuncaq və hədiyyə qutusu da olub.
"Azərpoçt" MMC-dən bildirilib ki, uşaqlar tərəfindən yazılan bu cür məktublara tez-tez rast gəlinir. /xezerxeber.az
Sizin üçün seçdik
İndi oxunanlar
Həftənin hitləri
- ANS-in keçmiş aparıcısı həmcinsi ilə nişanlandı - FOTO 964 dəfə oxunub
- İmtahanda yüksək bal toplayan Mələkxanım bu tanınmış şəxsin qızı imiş 926 dəfə oxunub
- Nar-dan xüsusi təklif: 10%-dək endirimlə smartfon! 917 dəfə oxunub
- Aytən Səfərova ağır qəzaya düşdü 916 dəfə oxunub
- Fransa Azərbaycandakı səfirini geri çağırıb 913 dəfə oxunub