"Heç sağlığında ona belə diqqət etmirdilər - Aşıq Vüqarın qohumu gileyləndi - FOTO
Aşıq Vüqar Mahmudoğlunun yaxın qohumu, gənc aşıq Sahib həmkarlarının aşıqa laqeyd münasibətindən gileylənib. Milli.Az-a açıqlama verən aşıq bunları bildirib:
"Mənim dilim gəlmir ki, deyim aşıq Vüqar rəhmətə gedib. O sənəti və insanlığı ilə nəslimiz içərisində özünə böyük hörmət qazanmışdı. Mən onun yaxını idim, bilirdim ki, ona kimlər yaxındır, kimlər uzaq. Bəzi sənət yoldaşları heç sağlığında ona bu qədər diqqət etmirdilər. Aşıq Vüqarın ölümündən sonra mən bu sənətlə birdəfəlik vidalaşmaq istədim, amma ailəsi qoymadı. Dedilər ki, bu sənəti davam etdirməlisən. Məni elə aşıq Vüqar toylara aparıb, püxtələşdirib. Onun ölümü həqiqətən bizə, yaxınlarına, bütün aşıq elinə böyük təsir etdi. Hətta onun ölümünə göz yaşları içində bir şeir də yazmışam:
"Ağla, ey şikəstə, yan, ey kərəmi.
Bil ki, bu aləmdə sirdarım gedir.
Fəxr et qara torpaq, qara qoynuna
Sərrafım, zərgərim, xiridarım gedir.
Daha şən nəğməni oxuma bülbül
Soldu laləzarda saraldı bir gül
Od ocaq nə lazım, alovlan könül
Məclislər zinəti sərdarım gedir
O idi dünyada tək inandığım
Sənət aləmində ulduz sandığım
Mahmud Vüqarına arxalandığım
Ümüdüm pənahım ustadım gedir"
Sizin üçün seçdik
İndi oxunanlar
Həftənin hitləri
- İmtahanda yüksək bal toplayan Mələkxanım bu tanınmış şəxsin qızı imiş 1121 dəfə oxunub
- Aytən Səfərova ağır qəzaya düşdü 1108 dəfə oxunub
- Nar-dan xüsusi təklif: 10%-dək endirimlə smartfon! 1108 dəfə oxunub
- Fransa Azərbaycandakı səfirini geri çağırıb 1104 dəfə oxunub
- Sumqayıtlı məzun - “300 bal toplamaq mənim ilk böyük uğurumdur” 1000 dəfə oxunub