Bayılda yaşayanlara mühüm xəbər - VİDEO
Paytaxtda qəzalı vəziyyətdə olan yaşayış binalarının sökülərək yerində daha hündür və müasir yaşayış binalarının tikintisi ilə bağlı pilot layihələrin icrası davam etdirilir. Bu məqsədlə artıq Səbail rayonunda da tikinti işlərinə başlanılıb. Bayıl-20-ci yaşayış sahəsində tikinti ilə bağlı 8 layihə təsdiq olunub.
Milli.Az xezerxeber.az-a istinadən bildirir ki, qəzalı vəziyyətdə olan yaşayış evlərinin yerində bu binalar tikilir.Paytaxtın Səbail rayonu Bayıl-20-ci yaşayış sahəsində köhnə binaların yerində yenilərinin inşası ilə bağlı təklif olunan 14 layihədən 8-i təsdiq olunub. Səbail Rayon İcra Hakimiyyətindən verlən məlumata görə, artıq işlərin böyük əksəriyyətinə başlanılıb. 51 min nəfər əhali yaşayan və 6510 nəfər məcburi köçkün məskunlaşmış ərazidə ötən il sakinlərin müraciətləri nəzərə alınaraq qəzalı vəziyyətdə olan I Buxta döngəsi, 39 ünvanındakı binada yaşayan 13 ailənin dövlət vəsaiti hesabına kompensasiya ödənilməsi yolu ilə köçürülməsi təmin olunub.
Bayıl-20-ci yaşayış sahəsində təsdiq olunan layihələrdən artıq Badamdar qəsəbəsi,Tofiq Məmmədov, Neftçi Qurban və Xanlar, Fuad Əbdülrəhmanov, Aqil Əliyev eləcə də Əlibəyov qardaşları küçələrində tikinti işləri davam edir.
Tikintini aparan şirkətin nümayyəndəsi deyir ki, qəzalı vəziyyətdə olan evlərdə yaşayan sakinlərlə artıq razılığa da gəlinib.
Əlibəyov qardaşları küçəsində yerləşən qəzalı vəziyyətdə olan yaşayış evlərində ümumilikdə 86 ailə yaşayıb.35 ailə kirayə mənzillərə yerləşdirilib, 51 ailə ilə isə danışıqlar aparılır.
Səbail Rayon İcra Hakimiyyətindən "Xəzər Xəbər"ə bildirildi ki, rayonun digər ərazilərində də köhnə binaların yerində yeni çoxmərtəbəli yaşayış binalarının tikintisi ilə bağlı işlər aparılır.
Sizin üçün seçdik
İndi oxunanlar
Həftənin hitləri
- Universitet və kolleclərə sənəd verənlərin sayı açıqlandı 1109 dəfə oxunub
- Koronavirus ömrü qısaldır - ARAŞDIRMA 1094 dəfə oxunub
- Məktəb direktoru işdən çıxarıldı 1094 dəfə oxunub
- Azərbaycanda əlaçı şagird, olimpiadaların iştirakçısı intihar etdi 1039 dəfə oxunub
- Tarkan sevənlərinə MÜJDƏLİ XƏBƏR - "İnanın ki..." 1032 dəfə oxunub