Sevdiyi qız intihar edən Azərbaycan şəhidi - FOTO
80-ci illərin sonlarında sovet imperiyasına qarşı baş qaldıran milli-azadlıq hərəkatı getdikcə güclənməkdə idi. Xüsusilə, hərəkatın önündə gənclər xüsusi fəallığı ilə seçilirdi. Belə gənclərdən biri də imperiya əsgəri tərəfindən vəhşicəsinə döyülüb öldürülən Mikayıl Babayev olub.
Mynews.az xəbər verir ki, bu barədə publika.az-a Azərbaycan Ağsaqqallar Şurasının mətbuat xidmətinin əməkdaşı, araşdımaçı Şərafət Şəfa məlumat verib.
O bildirib ki, Mikayıl Babayev ilk qarışıqlıqlarda imperiya tərəfindən ictimai fəallığa görə ən çox təzyiqə məruz qalan gənclərdən biri olub: "Mikayıl Babayev 4 mart 1962-ci ildə Şərur rayonu Vərməziyar kəndində dünyay gəlib. Və ilk şəhid kimi Ulu Öndər Heydər Əliyev onun vətən fədailiyini qiymətləndirərək, böyük şairimiz Xəlil Rzayla birgə ailəsilə görüşüb, adına kənd qəbristanlığında türbə tikdirib. "Azadlıq” sədası meydanı bürüyəndə rus ordusunun əsgərləri vəhşicəsinə millətin üstünə yeriyəndə dəyənəklərlə ilk qətl edilən Mikayıl Babayev olub. O zaman kimin ağlına gələrdi ki, az müddətdən sonra 20 yanvar yaşanacaq və şəhidlərdən xiyaban yaranacaq. Ona görə də Mikayıl Babayevin qəbri öz doğma kəndindədi. Mikayıl Babayev 1989-cu il dekabrın 20-i şəhidlik zirvəsinə ucalıb. O, gündən anası Həcərin gözləri tutulub. Aldığımız məlumata görə, bir müddət sonra Mikayılın sevdiyi qız da intihar edib. Onlardan yalnız bir yadigar üzük qalıb”.
Qeyd edək ki, Mikayıl Babayev Nizami Rayon Yeni Azərbaycan Partiyasının sədr müavini Ramin Əhmədovun və kikboksinq üzrə dünya çempionu Xəyal Əhmədovun dayısıdır.
Sizin üçün seçdik
İndi oxunanlar
Həftənin hitləri
- İmtahanda yüksək bal toplayan Mələkxanım bu tanınmış şəxsin qızı imiş 1121 dəfə oxunub
- Aytən Səfərova ağır qəzaya düşdü 1108 dəfə oxunub
- Nar-dan xüsusi təklif: 10%-dək endirimlə smartfon! 1108 dəfə oxunub
- Fransa Azərbaycandakı səfirini geri çağırıb 1104 dəfə oxunub
- Sumqayıtlı məzun - “300 bal toplamaq mənim ilk böyük uğurumdur” 1000 dəfə oxunub