Gömrükdə 138 min manatlıq siqaret ələ keçdi - VİDEO
Tovuz Gömrük İdarəsinin əməkdaşları ölkə ərazisinə qeyri-qanuni yollarla gətirilən və Azərbaycan aksiz markası ilə markalanmayan külli miqdarda siqaretin və mobil telefonların realizə edilməsinin qarşısını alıblar.
Komitədən Mynews.az-a verilən məlumata görə, ölkə vətəndaşı Məmmədov Məhəmməd Yasin oğlunun idarə etdiyi “HYUNDAI AF-47432A” markalı, 01AD046 dövlət nömrə nişanlı avtomobil Tovuz rayonu ərazisində saxlanılıb.
Həmin nəqliyyat vasitəsinə baxış zamanı avtomobilin yük yerində aksiz markası ilə markalanmayan cəmi 46 200 ədəd – “Marlboro Gold edge”, “Parliament Silver blue”, “Parliament Aqua blue”, “Parliament Carat” və “Sobranie Super Slims” adlı siqaretlər aşkar edilib.
Bundan başqa, avtomobildə qutu və aksesuarları ilə birlikdə doqquz ədəd “Samsung Galaxy J5 (6)” və altı ədəd “Samsung Galaxy J5 prime” markalı mobil telefonlar aşkarlanıb.
Faktla bağlı araşdırma aparılır.
Qeyd edək ki, “Marlboro Gold edge”, “Parliament Silver blue”, “Parliament Aqua blue”, “Parliament Carat” və “Sobranie Super Slims” adlı siqaretlərin orta qiyməti təxminən 3-4 manat təşkil edir. Aşkarlanan siqaretin dəyəri təxmini 138-184 min manat təşkil edir.
Sizin üçün seçdik
İndi oxunanlar
Həftənin hitləri
- ANS-in keçmiş aparıcısı həmcinsi ilə nişanlandı - FOTO 938 dəfə oxunub
- İmtahanda yüksək bal toplayan Mələkxanım bu tanınmış şəxsin qızı imiş 586 dəfə oxunub
- Aytən Səfərova ağır qəzaya düşdü 578 dəfə oxunub
- Nar-dan xüsusi təklif: 10%-dək endirimlə smartfon! 578 dəfə oxunub
- Fransa Azərbaycandakı səfirini geri çağırıb 575 dəfə oxunub