Azərbaycanın bu qəsəbəsində “Kamaz”ı olmayana qız verilmir” - VİDEO
Bu qəsəbədə demək olar ki, hər həyətdə Kamaz var.
Söhbət Qaradağ rayon Qobustan qəsəbəsindən gedir. Qəsəbədə hətta belə bir deyim də var: “Kamazı olmayana qız verilmir”. Bəs burada iri tonnajlı maşınların sayının çox olması nə ilə əlaqədərdir?
Bir vaxtlar şoferlər qəsəbəsi kimi tanınan Qobustanda əvəllər Kamazı, indi isə Şaqmanı olmayana qız verilmir.
Bura bakının təxminən 70 kilometrlik məsafəsində yerləşən Qaradağ rayonunun Qobustan qəsəbəsidir. Qəsəbə sakinlərinin dili ilə desək, “Qobustan qəsəbəsində kamazı olmayana qız da verilmir”.
Bu qəsəbədə sözün əsl mənasında hər həyətdə bir kamaz var. Kamazların sayının həddindən artıq çox olmasını elə qəsəbəyə girişdə və mərkəzi yolda olan təmir qarajlarının sayından da hiss etmək olur.
Qəsəbədə Kamaz sayının çox olmasının səbəbi ilə maraqlandıq. Yerli sakinləri deyir ki, Qaradağ daş karxanalarının əsas məkanıdır. Məhz buna görə də, bu qəsəbədə Kamaz sayı bu qədər çoxdur. Qəsəbə sakinlərinin bir çoxu sürücülük edərək çörək pulunu qazanır.
Digər bir səbəb isə vaxtı ilə bu ərazidə yük avtomobilləri bazasının olmasıdır.
Bu Kamazların əksəriyyəti şəxsidir, bəziləri isə icarə əsasında istifadə edilir.(Xezerxeber.az)
Sizin üçün seçdik
İndi oxunanlar
Həftənin hitləri
- İmtahanda yüksək bal toplayan Mələkxanım bu tanınmış şəxsin qızı imiş 1132 dəfə oxunub
- Aytən Səfərova ağır qəzaya düşdü 1120 dəfə oxunub
- Nar-dan xüsusi təklif: 10%-dək endirimlə smartfon! 1120 dəfə oxunub
- Fransa Azərbaycandakı səfirini geri çağırıb 1118 dəfə oxunub
- Sumqayıtlı məzun - “300 bal toplamaq mənim ilk böyük uğurumdur” 1009 dəfə oxunub