Marafonun qalibi: "Bakıda qalib gəlmək mənim üçün çox vacib idi"
Bakıda qalib gəlmək mənim üçün çox vacib idi.
Mynews.az azxeber.com-a istinadən xəbər verir ki, bunu Trend-ə "Bakı Marafonu 2018"-in qalibi ukraynalı İqor Olefirenko deyib.
O, ilk dəfədir Bakıda, Azərbaycanda olduğunu bildirib: "Bura çox gözəldir. Açığı, belə gözəl olduğunu, insanlarının belə mehriban olduğunu gözləmirdim. Hər şey çox gözəldir. Yeməkləriniz də çox dadlıdır. Burada çox gözəl vaxt keçiririk".
İ.Olefirenko marafonda yalnız qələbə qazanmaq üçün Bakıya gəldiyini vurğulayıb:
"Mən marafon üzrə 3 qat Ukrayna çempionuyam, Rio-de-Janeyroda keçirilən Olimpiya Oyunlarının iştirakçısıyam. Yəni bu idman növü ilə peşəkar səviyyədə məşğulam. Bakıda qalib gəlmək də mənim üçün çox vacib idi. Ümid edirəm ki, növbəti marafonda iştirak etmək üçün də Bakıya gələcəyəm".
"Bakı Marafonu 2018" Dövlət Bayrağı Meydanından start götürərək Bakı Olimpiya Stadionuna qədər 21 kilometr məsafəni əhatə edir.
Marafonun qalibləri iki kateqoriya üzrə müəyyən olunub. Kişi və qadın kateqoriyalarının hər birində 1-ci yerin qalibi 3000 AZN, 2-ci yerin qalibi 2000 AZN, 3-cü yerin qalibi isə 1000 AZN məbləğində mükafat və hədiyyələrlə, eləcə də medal və sertifikatlarla təltif olunacaqlar. Bununla yanaşı, 4-10-cu yerlərin sahiblərinə müxtəlif qiymətli hədiyyələr veriləcək.
"Bakı Marafonu 2018"də toplanan vəsait Heydər Əliyev Fondunun valideyn himayəsindən məhrum olan uşaqlarla bağlı layihəsinə yönəldiləcək.
Sizin üçün seçdik
İndi oxunanlar
Həftənin hitləri
- Rusiya Ukrayna şəhərlərini ballistik raketlərlə vurdu 925 dəfə oxunub
- Faiq Ağayev: "Damlanın dəyişimini çox bəyənirəm" 906 dəfə oxunub
- Qəbələdə dəhşət: 18 yaşlı qız tövlədə özünü asdı 597 dəfə oxunub