Səhiyyə Nazirliyindən Sabirabaddakı uşaq ölümləri ilə bağlı - AÇIQLAMA
Səhiyyə Nazirliyi Sabirabad Rayon Mərkəzi Xəstəxanasında iki körpənin ölümü ilə bağlı açıqlama verib.
Nazirliyin mətbuat xidmətinin əməkdaşı Səfayə Əhmədovanın Mynews.az-a verdiyi məlumata görə, Sabirabad rayonunun Əsgərbəyli kənd sakini, 1995-ci il təvəllüdlü Yusifova Rəvanə Rahil qızı xəstəxanaya gecə saat 02:30 radələrində ölü döllə daxil olub.
“Ana doğuşa alınıb və doğuşdan sonra ekspertiziyaya verilib.
Doğuş zamanı körpəsini itirən digər şəxs Saatlı rayonu Yeni Novruzlu kənd sakini, 1996-cı il təvəllüdlü Əhmədova Saniyə Daxıləli qızı gecə saatlarında xəstəxanaya alınıb. Bu xanımın uşağı isə dölün kəskin hipoksiyası ilə doğulub.
Yəni, göbək ciyəsi uşağa 2-3 dəfə dolanmış vəziyyətdə olub. Bütün reanimasion tədbirlərə baxmayaraq, doğulan uşaq cəmi beş dəqiqə həyatda qala bilib”.
Nazirliyin əməkdaşı hər iki ölümlə bağlı məsələnin Səhiyyə Nazirliyinin xüsusi komissiyası və prokurorluq tərəfindən araşdırıldığını deyib. Qeyd edib ki, ölümün səbəbləri aydın olduqdan sonra mətbuata bu haqda açıqlama veriləcək.
Sizin üçün seçdik
İndi oxunanlar
Həftənin hitləri
- Rusiya Ukrayna şəhərlərini ballistik raketlərlə vurdu 954 dəfə oxunub
- Faiq Ağayev: "Damlanın dəyişimini çox bəyənirəm" 926 dəfə oxunub
- Qəbələdə dəhşət: 18 yaşlı qız tövlədə özünü asdı 916 dəfə oxunub