Maşından zibil atanlar cərimələnəcək
Samur-Yalama Milli Parkının 8 saylı meşə dolayının yaşayış məntəqəsi ilə həmsərhəd hissəsinə “10-BK-598” dövlət qeydiyyat nömrə nişanlı avtomobildən məişət tullantılarının atıldığı məlum olub.
Mynews.az-ın məlumatına görə, qanun pozucusunun şəxsiyyətinin müəyyənləşdirilməsi məqsədilə Yalama Polis Bölməsinə müraciət edilib.
Araşdırma zamanı əraziyə tullantı atan şəxsin Xaçmaz rayon Maqsudkənd kənd sakini Aydın Əfəndiyev olduğu müəyyən olunub.
Faktla bağlı A.Əfəndiyev barəsində protokol tərtib olunub və o, İnzibati Xətalar Məcəlləsinə əsasən, 500 manat məbləğində cərimə edilib.
Ekologiya və Təbii Sərvətlər Nazirliyinin mətbuat xidmətinin rəhbəri İradə İbrahimova Oxu-Az-a bildirib ki, ətraf mühiti çirkəndirən hüquqi və fiziki şəxslər barədə cərimələr var:
“Bütün sahələrdə olduğu kimi, ekologiya sahəsində də qanun pozuntuları qanunamüvafiq şəkildə cərimələnir, barələrində inzibati tədbirlər görülür. Məqsədimiz bu cür hallara qarşı cəmiyyəti təşviq etməkdir. İnsanların ətraf mühitə münasibəti dəyişməlidir. Zibil ictimai qınağa məruz qalmalıdır”.
Sizin üçün seçdik
İndi oxunanlar
Həftənin hitləri
- İmtahanda yüksək bal toplayan Mələkxanım bu tanınmış şəxsin qızı imiş 1109 dəfə oxunub
- Aytən Səfərova ağır qəzaya düşdü 1096 dəfə oxunub
- Nar-dan xüsusi təklif: 10%-dək endirimlə smartfon! 1096 dəfə oxunub
- Fransa Azərbaycandakı səfirini geri çağırıb 1093 dəfə oxunub
- Sumqayıtlı məzun - “300 bal toplamaq mənim ilk böyük uğurumdur” 992 dəfə oxunub