Xəyanətə görə arvadının başını qırxan kişini hansı cəza gözləyir?
Həyat yoldaşını ona xəyanət etdiyi üçün başını keçəl edən kişiyə cinayət işi açıla bilər.
Mynews.az xəbər verir ki, bunu oxu.az-a açıqlamasında hüquqşünas Ruslan Vəliyev bildirib.
Onun sözlərinə görə, heç kimin heç kəsi mühakimə etmək hüququ yoxdur:
“Əgər qadın xəyanət edib və kişi onu qəbul etmirsə, boşana bilər. Şəxsi alçaltmaq, onun şərəf və ləyaqətini aşağılamaq, təhqir etmək, qeyri-insani rəftar etmək yolverilməzdir. Digər tərəfdən qadının sifətində fiziki zorakılığın əlamətləri vardır.
Bu da olmaz. Görüntülər əsasında hüquq-mühafizə orqanları tərəfindən fakt üzrə cinayət işi başlanmalıdır”.
Ruslan Vəliyev qeyd edib ki, qadına qarşı törədilən xəsarətin dərəcəsi ekspertizanın rəyindən asılı olaraq müəyyən edilir:
“Xəsarət dərəcəsi ağırdırsa, Cinayət Məcəlləsinin 126-ci maddəsi ilə üç ildən səkkiz ilə kimi, ağırlaşdırıcı halda altı ildən 11 ilə kimi azadlıqdan məhrum etmə cəzası var.
Ekspertizanın rəyinə əsasən, dəymiş xəsarət az ağırdırsa, Cinayət Məcəlləsinin 127-ci maddəsinə əsasən, iki ilə kimi azadlıqdan məhrum etmə cəzası var. Xəsarət yüngüldürsə, bir ilə kimi azadlıqdan məhrum etmə və yaxud cərimə tətbiq oluna bilər”.
“Şəxsi əzab vermə faktı varsa, həmin şəxs iki ilə kimi, ağırlaşdırıcı halda üç ildən beş ilə kimi azadlıqdan məhrumetmə ola bilər.
Təbii ki, videoda təhqir və böhtanın əlamətləri var. Onlar təsdiqin taparsa, Cinayət Məcəlləsinin 147- ci maddəsi ilə cinayət işi başlaya bilər və altı aya kimi azadlıqdan məhrum etmə cəzası verilə bilər”.
Hüquqşünas qeyd edib ki, qadın özü də müraciət etməsə də, video hüquq-mühafizə orqanları tərəfindən şəxsə qarşı cinayət işinin başlanması və araşdırma aparılması üçün kifayət edir.
Sizin üçün seçdik
İndi oxunanlar
Həftənin hitləri
- ANS-in keçmiş aparıcısı həmcinsi ilə nişanlandı - FOTO 991 dəfə oxunub
- İmtahanda yüksək bal toplayan Mələkxanım bu tanınmış şəxsin qızı imiş 967 dəfə oxunub
- Nar-dan xüsusi təklif: 10%-dək endirimlə smartfon! 956 dəfə oxunub
- Aytən Səfərova ağır qəzaya düşdü 955 dəfə oxunub
- Fransa Azərbaycandakı səfirini geri çağırıb 952 dəfə oxunub