İlhamə Quliyevanın oğlu haqqında qərar verildi
Mərhum Xalq artisti İlhamə Quliyevanın oğlu Orxan Nadirovun cinayət işi üzrə məhkəmə prosesi başa çatıb.
Mynews.az oxu.az-a istinadən verdiyi xəbərə görə, Binəqədi Rayon Məhkəməsində hakim Mirheydər Zeynalovun sədrliyi ilə keçirilən prosesdə təqsirləndirilən O.Nadirovun vəkili Hüseyn Eynullayev müdafiə nitqi ilə çıxış edib.
Vəkil deyib ki, hüquqlarını müdafiə etdiyi şəxs tərəfindən zərərçəkmişə dəyən ziyan tam şəkildə ödənilib:
“Eyni zamanda, Orxan Nadirov məhkəmədə səmimi ifadələr verib və bu işin obyektiv araşdırılmasına öz etirafedici ifadələri ilə bir növ kömək göstərib. O, əməlindən peşmandır”.
Vəkil bu halları nəzərə almaqla, məhkəmədən O.Nadirov barəsində həbslə bağlı olmayan hökm verilməsini xahiş edib.
O. Nadirov söz deyərək, əməlindən peşman olduğunu bildirib.
Sonra hökm oxunub.
Hökmə əsasən, O.Nadirov barəsində şərti cəza seçilib və o, məhkəmə zalından azadlığa buraxılıb.
O, 1000 manat məbləğində cərimə olunub.
Sizin üçün seçdik
İndi oxunanlar
Həftənin hitləri
- Rusiya Ukrayna şəhərlərini ballistik raketlərlə vurdu 1012 dəfə oxunub
- Faiq Ağayev: "Damlanın dəyişimini çox bəyənirəm" 970 dəfə oxunub
- Qəbələdə dəhşət: 18 yaşlı qız tövlədə özünü asdı 959 dəfə oxunub