Azərbaycanda qurbanlıq üçün onlayn qoyun satılır
Qurban bayramı ilə əlaqədar qoyunları öncədən sifariş etmək mümkündür.
Mynews.az xəbər verir ki, bunun üçün istənilən şəxs “Kənddən Şəhərə” yarmarkasının rəsmi saytına daxil olaraq, qeydiyyatdan keçə və istədiyi qoyunu sifariş edə bilər.
12-13 avqust tarixində təşkil olunan yarmarkalarda qoyunlar çəkisindən asılı olaraq 160, 170, 180 AZN dəyərində təklif olunur.
Qurbanlıq qoyunları əldə etmək üçün qeyd etdiyiniz tarix və saat intervalında seçilmiş məntəqədə olmaq tələb olunur. Satış məntəqəsinə gəldiyiniz zaman səlahiyyətli şəxsə yaxınlaşmalı və SMS vasitəsilə əldə etdiyiniz kodu təqdim etməlisiniz.
Onlayn sifarişlər yalnız Bakı, Abşeron və Sumqayıt ərazilərindəki yarmarkalar üçün qəbul olunur. Sifarişlərin verilməsi üçün son tarix 9 avqust saat 23:59-dur.
Ümumilikdə “Kənddən Şəhərə” satış yarmarkasına 20 minə yaxın qurbanlıq qoyun çıxarılması planlaşdırılır. Bayram günlərində təşkil ediləcək qurbanlıq qoyunların satış yarmarkası ölkə ərazisində 30 fərqli nöqtəni əhatə edəcək. Satış yarmarkalarından 19-u paytaxt Bakıda təşkil ediləcək.
Sizin üçün seçdik
İndi oxunanlar
Həftənin hitləri
- Universitet və kolleclərə sənəd verənlərin sayı açıqlandı 1100 dəfə oxunub
- Koronavirus ömrü qısaldır - ARAŞDIRMA 1084 dəfə oxunub
- Məktəb direktoru işdən çıxarıldı 1084 dəfə oxunub
- Azərbaycanda əlaçı şagird, olimpiadaların iştirakçısı intihar etdi 1032 dəfə oxunub
- Tarkan sevənlərinə MÜJDƏLİ XƏBƏR - "İnanın ki..." 1024 dəfə oxunub