Azərbaycanda daha bir benzin markasının qiymətində dəyişiklik edildi - RƏSMİ
Xarici ölkələrdən Azərbaycana idxal edilən daha bir benzin markasının qiyməti dəyişdirilib.
Mynews.az oxu.az-a istinadla məlumatına görə, "Aİ-98” super markalı benzinin qiyməti 2,30 AZN təşkil edir.
"SOCAR Petroleum” QSC-nin mətbuat katibi Üzeyir Həbibbəyli Oxu.Az-a açıqlamasında bildirib ki, xarici ölkələrdən Azərbaycana idxal edilən "Aİ-95” premium və "Aİ-98” super markalı benzinin qiymətində dəyişiklik baş verib:
"Dəyişikliyə əsasən, cari ilin iyul ayının 12-dən 13-nə keçən gecə "Aİ-95” premium markalı benzinin satışı 2,00 AZN-dən, "Aİ-98” markalı benzinin satışı isə 2,30 AZN-dən həyata keçirilməyə başlanıb.
Hazırda ölkədə istehlak olunan benzinin sadəcə 9%-i "Aİ-95” premium və "Aİ-98” super markalı benzinin payına düşür.
Ötən ildən etibarən neft qiymətlərinin kəskin artımı, həmçinin dünyada baş verən inflyasiya fonunda nəqliyyat xərclərinin əhəmiyyətli dərəcədə yüksəlməsi, sözügedən qiymət dəyişikliyini şərtləndirən ən böyük amillərdəndir”.
Qeyd edək ki, ötən gün Azərbaycanda "Aİ-95” premium markalı benzinin qiymətində dəyişiklik edilib. Belə ki, "Aİ-95” premium markalı benzin 0,4 manat bahalaşıb və yeni satış qiyməti 2 manat təşkil edəcək.
Sizin üçün seçdik
İndi oxunanlar
Həftənin hitləri
- ANS-in keçmiş aparıcısı həmcinsi ilə nişanlandı - FOTO 989 dəfə oxunub
- İmtahanda yüksək bal toplayan Mələkxanım bu tanınmış şəxsin qızı imiş 964 dəfə oxunub
- Nar-dan xüsusi təklif: 10%-dək endirimlə smartfon! 953 dəfə oxunub
- Aytən Səfərova ağır qəzaya düşdü 952 dəfə oxunub
- Fransa Azərbaycandakı səfirini geri çağırıb 949 dəfə oxunub