"Türk olmadığımızı tarixi faktlarla ortaya çıxaracam" - Araz Əlizadədən daha bir qalmaqallı açıqlama
Millət vəkili, Azərbaycan Sosial Demokrat Partiyasının sədri Araz Əlizadə yerli media orqanlarından birinə verdiyi müsahibədə sosial şəbəkə istifadəçiləri səsləndirdiyi fikirlər geniş müzakirələrə səbəb olub.
""Facebook"da hər yoldan keçən ağzına gələni yazır və mənim də vaxtım yoxdur, elə şeylərlə məşğul olum. Kim kimin haqqında nə yazdı, nə dedi, məni maraqlandırmır. Hər şüursuz adamın yazdığını oxumaq fikrində deyiləm. Çünki "Facebook"da olanların hamısı avara, işsiz-gücsüz adamlardır".
Baş verənlərlə bağlı Metbuat.az-a danışan Araz Əlizadə bildirib ki, onun dedikləri təhrif edilib:
“30 ildən çoxdur ki, siyasi arenadayam, 66 yaşım var. Artıq bu tip yalançı xəbərlərə öyrəşmişəm. Haqqımda belə xəbər yazan junalistlərdən narazıçılığım yoxdur. Günah redaktorlardadır. Bəzi redaktorlar aldadıcı, real olmayan başlıqlar yazmaqla oxucu kütləsi cəlb etməyə çalışır. Bunların hamısı mənə qarşı aparılan "qara piyar"dır. İllərdir ki, məni həyatdan məhrum etmək istəyən qüvvələrin növbəti planının nəticəsidir. Mənə sözü olan arxamca danışmasın, kişi sözü üzə deyər. Mən uşaqlıqdan bu prinsiplə böyümüşəm. Qorxaqlar klaviatura şirinə dönüb, “Facebook”-da mənə qarşı hücuma keçib. Dediyim fikirlərin üzərində dayanıram. İnsan bütün günü “Facebook”-da vaxt keçirirsə, onun əqidəsilə bağlı problemləri var. Bu sosial şəbəkə siyasi qalmaqal yaratmaq məqsədilə yaradılıb. Ondan hədsiz istifadə edən gənclərin beyni zərərli fikirlərlə korlanıb. İndiki gənclik çox cılızlaşıb. Pula satılmaq öz şərəfini satmaq deməkdir. Düz sözü qəbul etməməkdənsə, tarixi araşdırsalar yaxşı olar. Mənə qarşı təpkilər davam etsə, Amerika və Avropa alimlərinə müraciət edərək, türk olmadığımızı tarixi faktlarla ortaya çıxaracam. Biz azərbaycanlıyıq. Fikrimi qəbul etməyənlərin faktları varsa, ortaya çıxarsınlar. Bu meydan, bu da şeytan. Müsahibəmlə bağlı Milli Məclisdən xəbərdarlıq almamışam. Alsam belə, alnıaçıq şəkildə gedib fikirlərimi izah edəcəm”.
Sizin üçün seçdik
İndi oxunanlar
Həftənin hitləri
- İmtahanda yüksək bal toplayan Mələkxanım bu tanınmış şəxsin qızı imiş 1126 dəfə oxunub
- Aytən Səfərova ağır qəzaya düşdü 1114 dəfə oxunub
- Nar-dan xüsusi təklif: 10%-dək endirimlə smartfon! 1114 dəfə oxunub
- Fransa Azərbaycandakı səfirini geri çağırıb 1111 dəfə oxunub
- Sumqayıtlı məzun - “300 bal toplamaq mənim ilk böyük uğurumdur” 1003 dəfə oxunub