“Mançester Yunayted” Avropa Liqasının qalibi oldu

01:29 25.05.2017

İdman

İngiltərənin “Mançester Yunayted” klubu futbol üzrə Avropa Liqasının 2016/2017 mövsümünün qalibi olub.

Mynews.az-ın məlumatına görə, “qırmızı şeytanlar” həlledici görüşdə Hollandiyanın “Ayaks” komandasını 2:0 hesabı ilə məğlub ediblər.

Stokholmun “Friends Arena” stadionunda keçirilən qarşılaşmada hesabı 18-ci dəqiqədə Pol Poqba açıb.

İkinci hissənin əvvəllərində, 48-ci dəqiqədə, Henrik Mxitaryan ikinci topu “Ayaks” qapısından keçirib.

Avropa Liqasının qalibi olmaqla, Joze Maurinyonun yetirmələri həmçinin Çempionlar Liqasının 2017/2018 mövsümünə vəsiqəni təmin ediblər.

Qeyd edək ki, “Mançester Yunayted” klubu bu il İngiltərə çempionatını 6-cı yerdə başa vurub.

Mynews.az