İdmançımızın Böyük Britaniyada uğuru - VİDEO

10:38 25.07.2017

İdman

3 qat dünya və 2 qat Avropa çempionu, peşəkarlar arasında Avropa çempionu, K-1 Britaniya çempionu Hafiz Baxşəliyev Böyük Britaniyada Avropa kəmərini qazanıb.

Mynews.az məlumat verir ki, bu haqda idmançı Sputnik Azərbaycan-a xəbər verib.

İdmançımız dünən Uelsin paytaxtı Kardiff şəhərində peşəkarlararası Avropa çempionu titulu uğrunda ispan idmançısı İsmail Berqamini nakautla məğlub edib.

Hafiz Baxşəliyev açıqlamasında yarışa uzun müddətdir ki, hazırlaşdığını deyib: “Bilirsiniz ki, sonuncu dəfə rinqdə 2009-cu ildə döyüşmüşəm. Uzun fasilədən sonra döyüşmək riskli idi. Yenə də özümü hazırlayırdım. Rəqibim gənc olmasına baxmayaraq, təcrübəli və güclü idi. Məni yenidən döyüşməyə həvəsləndirdiyi üçün Azərbaycan Kikboksinq Federasiyasının prezidenti, millət vəkili Adil Əliyevə, yarışda məni dəstəkləyən soydaşlarımıza, Əfqanıstandan olan dostlarıma öz təşəkkürümü bildirirəm”.

MƏNİM XƏBƏRLƏRİM

İdman

Sizin üçün seçdik

İndi oxunanlar

Həftənin hitləri

Mynews.az