Sərbəst güləş üzrə dünya kuboku yarışları üçün Azərbaycan millisinin heyəti açıqlanıb
Fevralın 16-17-də İran İslam Respublikasının Kirmanşah şəhərində sərbəst güləş üzrə böyüklər arasında dünya kuboku yarışları keçiriləcək.
Mynews.az xəbər verir ki, püşkatmanın nəticəsinə əsasən, yığma komandamız Rusiya, Gürcüstan və ABŞ idmançıları ilə “A” yarımqrupunda mübarizə aparacaq. İran, Türkiyə, Hindistan və Monqolustan komandaları isə “B” yarımqrupunda yarışacaqlar.
Yığma komandamızın baş məşqçisi Firdovsi Umudov, böyük məşqçi Zəlimxan Hüseynov, məşqçilər Arif Abdullayev və Sadruddin Ayqubovun rəhbərliyi altında 12 güləşçimiz Kirmanşaha yollanıb.
Yarışda ölkəmizi Mahir Əmiraslanov, Georgi Edişeraşvili (hər ikisi 57 kq), Əli Rəhimzadə (61 kq), Hacı Əliyev, Məhəmməd Müslümov (65 kq), David Suynuçxanov (70 kq), Cəbrayıl Həsənov, Murad Süleymanov (hər ikisi 74 kq), Şərif Şərifov (86 kq), Nurməhəmməd Hacıyev, Aslanbek Alborov (hər ikisi 97 kq) və Cəmaləddin Məhəmmədov (125 kq) təmsil edəcəklər.
Təcrübəli güləşçilərimizlə yanaşı, bir neçə gənc və perspektivli idmançının da heyətə daxil edilməsi məşqçilər korpusu tərəfindən onları sınaqdan keçirmək, ehtiyat qüvvənin hazırlıq səviyyəsini yoxlamaq məqsədi daşıyır.
Yarışın proqramına əsasən, fevralın 16-da yarımqrup görüşləri, bir gün sonra isə final görüşləri keçiriləcək.
Görüşlərin idarə edilməsində ölkəmizi beynəlxalq dərəcəli hakim Sədi Quliyev təmsil edəcək.
Qeyd edək ki, ötən il keçirilən analoji turnirdə sərbəst güləşçilərimiz yarışları 5-ci yerdə başa vurublar. Buna qədər isə sərbəst güləşçilərimiz iki dəfə - 2004-cü və 2009-cu illərdə dünya kubokunun sahibi olublar.
İdman
- “Qarabağ” - “Braqa” oyunu başladı - CANLI YAYIM
- Türkiyə - Ermənistan matçı bərabərliklə başa çatdı
- “Arsenal”ın qapıçısı: “Azərbaycana qələbə üçün gedirik”
- Azərbaycan yığmasının rəqibləri bəlli oldu
- Azərbaycan Kuboku: Yarımfinal oyunlarını idarə edəcək hakimlər bəlli olub
- “Qarabağ” – “Qalatasaray” - 2 saata 25 min bilet satıldı
Sizin üçün seçdik
İndi oxunanlar
Həftənin hitləri
- ANS-in keçmiş aparıcısı həmcinsi ilə nişanlandı - FOTO 972 dəfə oxunub
- İmtahanda yüksək bal toplayan Mələkxanım bu tanınmış şəxsin qızı imiş 940 dəfə oxunub
- Nar-dan xüsusi təklif: 10%-dək endirimlə smartfon! 930 dəfə oxunub
- Aytən Səfərova ağır qəzaya düşdü 929 dəfə oxunub
- Fransa Azərbaycandakı səfirini geri çağırıb 927 dəfə oxunub