"Neftçi" 10 nəfərlə 4:0 hesablı qələbə qazandı

22:22 15.10.2017

İdman

Bu gün Topaz Premyer Liqasında VIII tur yekublaşıb.

Mynews.az xəbər verir ki, turun son oyununda "Neftçi” "Səbail”lə üz-üzə gəlib.

İlk dövrədə minimal hesabla uduzduğu rəqibi məğlub etmək Tərlan Əhmədovun komandasının turnir cədvəlində irəliləməsini şərtləndirə bilərdi ki, "ağ-qaralar" bunun öhdəsindən gəlib. İlk qələbəsini ötən tur qazanan "Neftçi" bu dəfə rəqibini darmadağın edib - 4:0.

Hesabı 17-ci dəqiqədə Iqnasio Herrera açıb. 32-ci dəqiqədə Uqo Barqas fərqlənib. 65-ci dəqiqədə Rəhman Hacıyev fərqi 3 topa çatdırıb. 77-ci dəqiqədə isə Barqas dublunu rəsmiləşdirərək oyunun yekun nəticəsini müəyyənləşdirib. "Neftçi" matçın son dəqiqələrini azlıqda keçirib. Belə ki, Derlis Meza Kolli 84-cü dəqiqədə qırmızı vərəqə alaraq komandasını azlıqda qoyub. Buna baxmayaraq, "Səbail" təsəlli qolunu vura bilməyib.

Qeyd edək ki, turun digər oyunlarında "Zirə" "Kəpəz"i 3:0, "Qarabağ" "İnter"i 2:0, "Qəbələ" "Sumqayıt"ı 1:0 hesabı ilə yenib.

Premyer Liqa

II dövrə, VIII tur

15 oktyabr

Səbail - Neftçi 0:4

Qollar: İqnasio Herrera,17. Uqo Barqas, 32; 77. Rəhman Hacıyev, 65.

Qırmızı vərəqə: Derlis Meza Kolli, 84.

Bakı. "Dalğa Arena”.

№	Klub		O	Q	H/H	M	T/F	X
1	Qarabağ		7	6	1	0	14:3	19
2	Zirə		8	5	3	0	15:5	18
3	Qəbələ		8	5	1	2	11:8	16
4	Sumqayıt		8	3	1	4	8:11	10
5	İnter		8	2	2	4	7:11	8
6	Neftçi		8	2	1	5	9:9	7
7	Səbail		7	2	0	5	4:12	6
8	Kəpəz		8	1	1	6	5:14	4
Bombardirlər		Mahir Mədətov (Qarabağ) - 5. Təmkin Xəlilzadə (Zirə), Riçard Qadze (Zirə) - 4.

Qaynarinfo.Az

MƏNİM XƏBƏRLƏRİM

İdman

Sizin üçün seçdik

İndi oxunanlar

Həftənin hitləri

Mynews.az