Taekvondoçularımız dünya reytinqində birincidir - SİYAHI

14:08 23.10.2017

İdman

Dünya Taekvondo Federasiyası yeni reytinq cədvəlini açıqlayıb.

Oxu.Az xəbər verir ki, Apasport.az saytının məlumatına görə, Olimpiya çəkiləri üzrə açıqlanan “Top-10”u Azərbaycan üçün uğurlu saymaq olar.

Oktyabr üçün tərtib olunan siyahıda yığmamızın 4 taekvondoçusu yer alıb.

Belə ki, Rio-2016-nın qalibi Radik İsayev +80 kq çəki dərəcəsində yenə də birincidi. Aktivində 472.36 xalı olan dünya və Avropa çempionumuz ən yaxın izləyicisi Abdul İssfu (Niger) 69,26 xal qabaqlayır.

Dünya çempionumuz Milad Beiqi Harçeqani (80 kq) də reytinqdə hamıdan öndədi. Liderliyini qoruyan taekvondoçumuz ikinci yerdə olan Şeyx Saleh Junior Sissedən (Fil Dişi Sahili) 78.62 xal öndədi – 472,36.

68 kq çəki dərəcəsində yığmamızın lideri Ayxan Tağızadə isə 6-cı pillədədi. Avqust reytinqi ilə müqayisədə 3 pillə irəliləyən həmyerlimiz 212,20 xala malikdi.

Qadınlardan ibarət millimizin lideri Fəridə Əzizova da (67 kq) “Top-10”a qayıdıb. 213,14 reytinq xalı olan təmsilçimiz “onluğ”u qapayır. Ondan fərqli, Patimat Abakarova (49 kq) ən güclülərin siyahısını tərk edib.

MƏNİM XƏBƏRLƏRİM

İdman

Sizin üçün seçdik

İndi oxunanlar

Həftənin hitləri

Mynews.az