Azərbaycan Karate Federasiyasının birinci vitse-prezidenti seçilib

16:31 19.12.2017

İdman

Bu gün Bakıda Azərbaycan Karate Federasiyasının birinci vitse-prezidenti seçkiləri keçirilib.

Mynews.az-ın Trend-ə istinadla məlumatına görə, səsvermə nəticəsində bu vəzifəyə Fərid Əsgərov seçilib.

F.Əsgərovu federasiyanın kollektivinə gənclər və idman nazirinin müavini İsmayıl İsmayılov təqdim edib.

Nazir müavini qeyd edib ki, Karate Federasiyası hər zaman ona göstərilən etimadı doğruldub.

Karatenin olimpiya idman növü elan olunduğunu vurğulayan İ.İsmayılov bildirib ki, idmançılar medalların əldə olunması üçün daha çox çalışmalıdırlar.

O, ümidvar olduğunu bildirib ki, F.Əsgərovun birinci vitse-prezident seçilməsi Karate Federasiyasının xeyrinə olacaq və azərbaycanlı idmançılar daha böyük uğurlara imza atacaqlar.

Federasiyanın birinci vitse-prezidenti seçilmiş F.Əsgərov, öz növbəsində, ona göstərilən etimada görə minnətdarlığını bildirib və kollektivlə uğurla əməkdaşlığa ümid etdiyini vurğulayıb.

Daha sonra federasiyanın prezidenti Yaşar Bəşirov qeyd edib ki, kollektiv Tokioda keçiriləcək Olimpiya Oyunlaırnda uğurla çıxış etmək üçün əlindən gələni etməlidir.

Y.Bəşirov dövlət tərəfindən, xüsusilə də Gənclər və İdman Nazirliyi tərəfindən Karate Federasiyasına göstərilən dəstəyə görə minnətdarlığını bildirib və əmin olduğunu bildirib, idmançılar gələcək yarışlarda layiqli nəticələr göstərəcəklər.

MƏNİM XƏBƏRLƏRİM

İdman

Sizin üçün seçdik

İndi oxunanlar

Həftənin hitləri

Mynews.az