""Qarabağ"la oyundan sonra...” - Stefan El-Şaaravi
İtaliya çempionatı ilə Çempionlar Liqasında (ÇL) atmosfer tam fərqli olur. Bu iki yarışı müqayisə etmək mümkün deyil.
Mynews.az apasport.az-a istinadən xəbər verir ki, bu sözləri "Roma"nın yarımmüdafiəçisi Stefan El-Şaaravi deyib.
İtaliya A seriyasının XXXVII turunda "Yuventus"u qəbul edən paytaxt təmsilçisi 0:0 hesablı bərabərliklə kifayətlənib. "Yuventus" çempionluğu rəsmiləşdiribsə, "Roma"nın mövsümü ilk "dördlük"də tamamlayacağı dəqiqdi.
İtaliya mətbuatına müsahibə verən El-Şaaravi komandasının cari mövsümdəki çıxışını dəyərləndirib. "Skuadra Adzurra"nın üzvü A seriyasında çempionluq uğrunda mübarizə apara bilməmələrini qeyri-stabil çıxışla əlaqələndirib. 26 yaşlı futbolçu, xüsusən də, Çempionlar Liqasının qrup mərhələsində "Qarabağ"la axırıncı tur matçından sonrakı periodu həlledici hesab edir: "Mövsümə yaxşı başlasaq da, bunun davamını gətirə bilmədik. Bir növ davamlılıq çatmırdı. Xüsusən də, "Qarabağ"la oyundan sonra konkretliyi itirdik. Zehniyyət və yanaşmada hər hansı bir problem yox idi. Sadəcə, bir neçə görüşdə əlimizə düşən qol imkanlarından yararlana bilmədik".
Qeyd edək ki, "Roma" ÇL-in qrup mərhələsinin son turunda öz meydanında "Qarabağ"ı 1:0 hesabı ilə məğlub etmişdi. Məhz həmin qarşılaşmadan sonrakı dönəmdə "canavarlar" A seriyasında keçirdikləri 8 görüşün yalnız 1-də qələbə qazanmış, 4 heç-heçə, 3 məğlubiyyətlə yadda qalmışdılar.
İdman
- “Qarabağ” - “Braqa” oyunu başladı - CANLI YAYIM
- Türkiyə - Ermənistan matçı bərabərliklə başa çatdı
- “Arsenal”ın qapıçısı: “Azərbaycana qələbə üçün gedirik”
- Azərbaycan yığmasının rəqibləri bəlli oldu
- Azərbaycan Kuboku: Yarımfinal oyunlarını idarə edəcək hakimlər bəlli olub
- “Qarabağ” – “Qalatasaray” - 2 saata 25 min bilet satıldı
Sizin üçün seçdik
İndi oxunanlar
Həftənin hitləri
- Rusiya Ukrayna şəhərlərini ballistik raketlərlə vurdu 947 dəfə oxunub
- Faiq Ağayev: "Damlanın dəyişimini çox bəyənirəm" 919 dəfə oxunub
- Qəbələdə dəhşət: 18 yaşlı qız tövlədə özünü asdı 911 dəfə oxunub