“Professor” “Neftçi”də
“Neftçi” PFK-nın əvəzedici komandasına baş məşqçi təyinatı olub.
Mynews.az xəbər verir ki, bu vəzifəni Mahmud Qurbanov yerinə yetirəcək.
1996-1997, 2004-2005-ci illərdə “Neftçi”də çıxış etmiş Qurbanov “Kəpəz”, “Şəmkir”, “Fulad” (İran), “Tavriya” (Ukrayna), “Xəzər Lənkəran”, “İnter” və “Bakı” klublarında da oynayıb.
“Professor” ləqəbli futbolçu rekord sayda – 11 dəfə Azərbaycan çempionatının, dörd dəfə isə ölkə kubokunun qalibi olub. Azərbaycan milli komandasının heyətində 76 oyunda meydana çıxıb, bir qol vurub.
Mahmud Qurbanov futbolçu karyerasını başa vurandan sonra “Kəpəz”in baş məşqçisi, Azərbaycan milli komandasının baş məşqçisinin köməkçisi vəzifələrində çalışıb. UEFA-nın A kateqoriyalı məşqçisidir.
Qeyd edək ki, “Neftçi” bu gün əsas komanda üçün “Sumqayıt”dan Rəşad Eyyubovu da sıralarına qatıb.
İdman
-
“Qarabağ” - “Braqa” oyunu başladı - CANLI YAYIM
-
Türkiyə - Ermənistan matçı bərabərliklə başa çatdı
-
“Arsenal”ın qapıçısı: “Azərbaycana qələbə üçün gedirik”
-
Azərbaycan yığmasının rəqibləri bəlli oldu
-
Azərbaycan Kuboku: Yarımfinal oyunlarını idarə edəcək hakimlər bəlli olub
-
“Qarabağ” – “Qalatasaray” - 2 saata 25 min bilet satıldı
