Mahir Mədətov fitə basılmasından danışdı
UEFA Avropa Liqasının “Arsenal” və Millətlər Liqasının Malta ilə oyununda çıxışına görə tənqid olunan, meydandan çıxarkən fitə basılan millimizin futbolçusu Mahir Mədətov məsələyə münasibət bildirib.
Mynews.az xəbər verir ki, futbolçu bu barədə “Xəzər” TV-də yayımlanan “Futbol Saatı” verilişində danışıb:
“Bir az məyus olmuşam. “Arsenal”la oyundan öncə Qurban müəllimlə söhbətimiz oldu. Ondan sonra sosial şəbəkəyə girişimə qadağa qoyuldu. Heç bir azarkeşlə problemim olmayıb. “Arsenal”la oyunda nəyə görə fitə basıldığımı anlamadım. Həmin oyunda epizodları qaçıran tək mən deyildim.
Malta ilə oyunda isə fitə basılmağımı haradasa başa düşürəm. Çünki Kosovo ilə oyundan sonra azarkeşlərə demişdim ki, stadiona gəlib dəstək olmalıdırlar. Bəlkə də, ona görə əsəbləşiblər.
Mən zəif oynayanda komanda yoldaşlarımdan Şahruddin Məhəmmədəliyev, Ruslan Qurbanov, Cavid İmamverdiyev və ya digərləri bunu üzümə deyirlər. Dünənki oyunda isə onlar mənə dəstək oldular. Dedilər ki, yaxşı mübarizə apardın.
Bir söz var, bar verən ağacı daşlayarlar. Yəqin ki, məndən nəsə gözləyirlər ki, fitə basırlar. Ailədə də bilirlər ki, tək qalanda içimə qapanıram. Sağ olsunlar, evdəkilər, komanda yoldaşlarım da məni tək qoymadılar. Bu dəstəyə görə gərək onların inamını doğruldam.
Atam həmişə futbolda neytral adam olub, ancaq qol vurub-vurmadığımı soruşur. Ondan fərqli olaraq, anamın futboldan bir az anlayışı var. O, həmişə soruşur ki, Qurban müəllim oyunun barədə nə dedi?! Həmişə Çudomir Çakarov (fiziki hazırlıq üzrə məşqçi – S.M.) məni tənqid edir ki, boşluq olan yerlərə açılmırsan.
Mən də çalışıram ki, bunu aradan qaldırım. Ötən il qollar vururdum. Bu mövsüm isə yalnız “Səbail”lə matçda iki qol vura bilmişəm. Yəqin ki, bitiricilik çatışmır. Məncə, qol vura bilməməyim psixoloji amildir. Qapıçı ilə təkbətək çıxanda “birdən bunu da vura bilmərəm” kimi gərginlik yaşayıram. Driblinq etməyi, oyunu öz üzərimə götürməyi xoşlayıram.
Məşqlərdə istədiyimi edə bilirəm. Amma oyun zamanı problem yaşayıram. Malta ilə oyunda təkbətək qalanda soluma çəkib vurmaq istədim, arxadan müdafiəçi gəlib çatdı. Bəlkə də, sağ ayağımla vursaydım, qol olacaqdı”.
İdman
- “Qarabağ” - “Braqa” oyunu başladı - CANLI YAYIM
- Türkiyə - Ermənistan matçı bərabərliklə başa çatdı
- “Arsenal”ın qapıçısı: “Azərbaycana qələbə üçün gedirik”
- Azərbaycan yığmasının rəqibləri bəlli oldu
- Azərbaycan Kuboku: Yarımfinal oyunlarını idarə edəcək hakimlər bəlli olub
- “Qarabağ” – “Qalatasaray” - 2 saata 25 min bilet satıldı
Sizin üçün seçdik
İndi oxunanlar
Həftənin hitləri
- Universitet və kolleclərə sənəd verənlərin sayı açıqlandı 1104 dəfə oxunub
- Koronavirus ömrü qısaldır - ARAŞDIRMA 1089 dəfə oxunub
- Məktəb direktoru işdən çıxarıldı 1089 dəfə oxunub
- Azərbaycanda əlaçı şagird, olimpiadaların iştirakçısı intihar etdi 1035 dəfə oxunub
- Tarkan sevənlərinə MÜJDƏLİ XƏBƏR - "İnanın ki..." 1028 dəfə oxunub