Mynews.az
MƏNİM XƏBƏRLƏRİM

“Barselona” darmadağın oldu

Çempionlar Liqasında 1/4 final mərhələsinə start verilib. Apasport.az saytının məlumatına görə, ilk oyun günündə iki qarşılaşma baş tutmalı olsa da, onlardan biri keçirilib.

Belə ki, matçlardan birində Dortmund “Borussiya”sı “Monako”nu qəbul etməli idi. Ancaq almanları oyuna aparan avtobusun yaxınlığında bomba partlaması səbəbindən matç sabaha təxirə salınıb.

Qeyd edək ki, həmin hadisə zamanı "Borussiya"nın futbolçusu Bartra da yaralanıb.

Günün yeganə mübarizəsi Turində olub. Turnirin favoritləri arasında göstərilən “Yuventus”la “Barselona” üz-üzə gəliblər. Görüş meydan sahiblərinin böyükhesablı qələbəsi ilə başa çatıb.

Əvvəlcə Dibala 7-ci dəqiqədə hesabı açıb. Qonaqlar özünə gəlməyə macaq tapmamış Dibala fərqi artırıb. Argentinalı futbolçu dublunu ilk qoldan 15 dəqiqə sonra rəsmiləşdirib.

İkinci hissənin əvvəlində isə Kyellini başla dəqiq oynayb - 3:0.

Oyunda başqa qol olmayıb və "Yuventus" doğma meydanda qazandığı böyükhesablı qələbə ilə yarımfinal yolunda inamlı addım atıb.

Çempionlar Liqası

1/4 final mərhələsi, ilk oyunlar

11 aprel

“Yuventus” (İtaliya) – “Barselona” (İspaniya) - 3:0

Qollar: Dibala, 7, 22, Kyellini, 55

Baş hakim: Şimon Marçinyak (Polşa)

Turin, “Yuventus” stadionu

22:45. “Borussiya” (Dortmund, Almaniya) – “Monako” (Fransa) (təxirə salınıb).

Baş hakim: Daniele Orsato (İtaliya)

Dortmund, “Siqnal İduna Park”

Whatsapp

Sizin üçün seçdik

Həftənin hitləri

loading...