AŞPA-nın yay sessiyasının gündəliyi açıqlanıb

12:25 03.06.2017

Dünya

Avropa Şurası Parlament Assambleyasının (AŞPA) növbəti yay sessiyasının gündəliyi açıqlanıb.

Mynews.az-ın məlumatına görə, “Report” Assambleyanın mətbuat xidmətinə istinadən xəbər verir ki, AŞPA-nın növbəti plenar sessiyası iyunun 26-dan 30-dək Strasburqda keçiriləcək.

Sessiya zamanı Avropa Şurasının baş katibi Turbyorn Yaqland, Monteneqronun baş naziri Duşko Markoviç, Moldovanın baş naziri Pavel Filip, Avropa Şurasının Nazirlər Komitəsinə sədrlik edən Çexiyanın xarici işlər naziri Lyubomir Zaoralek AŞPA deputatları qarşısında çıxış edəcək.

Sessiya iştirakçıları Belarusda vəziyyət, Avropada miqrant və qaçqınlarla bağlı böhran və s. məsələləri müzakirə edəcəklər.

AŞPA sessiyasının işində Azərbaycan nümayəndə heyəti də iştirak edəcək.

MƏNİM XƏBƏRLƏRİM

Dünya

Sizin üçün seçdik

İndi oxunanlar

Həftənin hitləri

Mynews.az