Londonda növbəti terror - ölən və yaralananlar var YENİLƏNİB

Londonun şimal-şərqində baş verən insident zamanı bir nəfər ölüb.

APA-nın TASS agentliyinə istinadən verdiyi xəbərə görə, bu barədə London polisindən bildirilib.

Məlumata görə, daha 8 nəfər yaralanaraq xəstəxanalara yerləşdirilib.

***

Londonda piyadaları vuran maşından düşən şəxs bıçaqla azı bir nəfərə xəsarət yetirib.

APA-nın məlumatına görə, bu barədə “Evening Standard” qəzeti xəbər verib.

“Sky News” telekanalının hadisə şahidlərinə istinadən xəbərinə görə , insident zamanı avtomobildə 3 nəfər olub. Onlardan biri polis tərəfindən yaxalanıb, daha ikisi hadisə yerindən qaçıb. 

***

Londonda miniven tipli avtomobil piyadaları vurub, xəsarət alanlar var.

APA-nın xəbərinə görə, bu barədə Skotland-Yardın məlumatında bildirilir.

İlkin məlumata əsasən, hadisə məscid yaxınlığında, möminlər gecə namazından çıxarkən baş verib. "Daily Mail" azı 10 nəfərin xəsarət aldığını, bir nəfərin saxlanıldığı bildirilir. İnsidentin terrorla əlaqəli olub-olmadığı araşdırılır.

Xatırladaq ki, martın 22-də Londonun mərkəzində sürücü avtomobillə bir neçə piyadanı vurub, daha sonra  maşından  düşərək polis əməkdaşını bıçaqla qətlə yetirib. Qatil hadisə yerində zərərsizləşdirilib. Terror aktı nəticəsində 4 nəfər ölüb, 50 nəfər xəsarət alıb.

İyunun 3-də isə  “London-Bric” körpüsündə sürücü mikroavtobusu piyadaların üstünə sürüb. Daha sonra bıçaqla silahlanmış şəxslər  insanlara hücum edərək xəsarətlər yetiriblər. Hadisə nəticəsində 8 nəfər ölüb, 48 nəfər xəsarət alıb. Hadisəni törədən 3 nəfər polis tərəfindən güllələnib.