Ermənistan "bomba" ilə üz-üzə - Hər an partlaya bilər

17:15 15.01.2018

Dünya

Ermənistanda benzin və dizel yanacağının bahalaşmasından sonra ictimai nəqliyyatda və taksidə gediş haqqı mütləq bahalaşacaq.

Mynews.az-ın məlumatına görə, bunu "Sürücü Hüquqlarının Müdafiəçiləri Liqası" ictimai təşkilatının sədri Tiqran Hovannisyan deyib.

Onun fikrincə, əgər benzin və dizelin qiymətləri aşağı salınmasa, bununla bağlı vəziyyət nəzarətdən çıxa bilər:

"Hər dəfə enerjidaşıyıcıları bahalaşarkən sərnişindaşıma tariflərinin olduğu kimi qalması sürücülərin haqlı narazılığına səbəb olur".

Xatırladaq ki, yanvarın 1-dən Ermənistanda benzin, qaz və dizel yanacağı bahalaşıb.

Mynews.az