Bu ölkədə dövlət səviyyəsində “qiyamət” gününə hazırlıq gedir

19:51 27.02.2018

Dünya

Norveçin Svalbard Takmada adlı rayonunda yerləşən dünya toxum anbarının konstruksiyasını gücləndirmək məqsədilə 12,7 milyon dollar xərclənəcək.

Dünyada məlum olan bütün bitkilərin toxumlarının qorunmasını qarşısına məqsəd qoyan anbar yer üzündə hər hansı bir fəlakət nəticəsində bitkilərin nəsli kəsiləcəyi tədirdə bu toxumlar vasitəsi ilə həyatı davam etdirmək məqsədi ilə tikilib.

Bu anbar 10 il öncə Atlantik Okeanının sahilindəki qayalıqların içərisində inşa edilib. Norveçin kənd təsərrüfatı və ərzaq naziri Jon Georq Dale bildirib ki, qlobal qida təhlükəsizliyi və bitki genetikasının qorunması məqsədi ilə bu anbarın fəaliyyəti bütün bəşəriyyət üçün çox vacibdir.

Toxum anbarında qarğıdalı, buğda, arpa, kartof, lobya kimi gündəlik ərzaq məhsulları ilə yanaşı 890 min növ mədəni bitki toxumu mühafizə olunur. Anbar ümumilikdə 4,5 milyon növ toxumu qorumaq üçün nəzərdə tutulub.

Eyni zamanda anbarda dünyada məlum olan bütün informasiyaları maqnit lentlərdə qoruyub saxlayacaq Dünya Bilgi Arxivi də fəaliyyət göstərir.

MƏNİM XƏBƏRLƏRİM

Dünya

Sizin üçün seçdik

İndi oxunanlar

Həftənin hitləri

Mynews.az