Avstriyanın Baş naziri Türkiyəni təhdid etdi

13:45 26.03.2018

Dünya

Avstriyanın yeni Baş naziri Sebastyan Kurzun Türkiyə ilə bağlı açıqlamaları davam edir.

Mynews.az-ın Oxu.Az-a istinadən məlumatına görə, baş nazir "Bild am Sonntag" qəzetinə müsahibə verib. O, müsahibəsində Türkiyənin yürütdüyü siyasətindən danışıb.

Türkiyənin siyasətini tənqid edərək Aİ-yə daxil olmaması lazım olduğunu iddia edib.

"Mənə görə, xüsusilə son illərdə Türkiyənin yürütdüyü siyasət ucbatından Aİ-də yeri yoxdur" deyən Kurz, Türkiyə ilə Aİ arasındakı müzakirələrin kəsilməsinin "dürüst" olacağını deyib.

Qeyd edək ki, ötən ilin 18 dekabr tarixində Avstriya Baş Naziri kimi vəzifəyə gəlməzdən əvvəl Xarici İşlər Naziri olan Kurz o vaxt da Türkiyənin Aİ ilə müzakirələrinə son verilməsinin lazım olduğunu bildirmişdi.

MƏNİM XƏBƏRLƏRİM

Dünya

Sizin üçün seçdik

İndi oxunanlar

Həftənin hitləri

Mynews.az