Türkiyədə azərbaycanlı qadını öldürənin kimliyi məlum oldu - 7 yaşlı oğlu görüb - FOTOLAR
Türkiyənin Dənizli vilayətinin Pamukkale rayonunda qətlə yetirilən 2 uşaq anası olan azərbaycanlı Türkay İsayeva ilə bağlı detalların üstü açılıb.
Mynews.az xəbər verir ki, sevgilisi Mertkan Öztürkün döyərək öldürdüyü Türkay İsayevanın əmisi qızı Natavan Əhmədova talesiz qadının yaşadıqlarını açıqlayıb.
33 yaşlı Türkay İsayevanın meyiti 18 aprel tarixində, səhər saatlarında yaşadığı evdə aşkar edilib. Hadisə ilə əlaqədar saxlanılan sevgilisi Mertkan Öztürk gənc qadının nərdivandan yıxılaraq öldüyü iddiası ilə çıxış edib. Ancaq tibbi ekspertiza İsayevanın döyülərək öldürüldüyünü təsdiq edib.
Qətlin üstündən bir həftə keçib. Natavan Əhmədova Türkayın tez-tez döyüldüyünü və olaydan sonra isə Mertkan Öztürkün ailəsi tərəfindən də təhdid edildiklərini deyib. Natavan İsayevanın sevgilisi tərəfindən döyüldüyünü öz gözləri ilə gördüyünü sözlərinə əlavə edib:
"Əmi qızımla görüşürdük. Bir dəfə 2-3 günlüyünə onunla qaldım. Gözümün önündə ən az 4 dəfə döydü qızı. Hər zaman döyərdi. Türkay ondan qurtula bilmirdi. Heç kim bizim şikayətlərimizi dinləmədi. Şahid tutdular, qardaşı onu hər zaman "içəridən" çıxartdı. Türkayı Azərbaycana aparmaq istədim, amma "Sevirəm" deyirdi. Hər dəfə Türkayı aldadıb, yanında saxlayırdı. Ölümündən 3 gün öncə danışdıq. "Ayrıldım, qurtuldum" dedi. Amma qızı izləyirmiş. Sonra eşitdik ki, qızı döyərək öldürüb. Başı parçalanmışdı."
Hadisələrin İsayevanın əvvəlki sevgilisindən olan 7 yaşlı oğlunun gözü qarşısında yaşandığını qeyd edən Əhmədova: "Uşaq dedi ki, "Anamı saçlarından tutub divara vurdu, ağzından, burnundan qan açıldı". Uşağı da "Səni öldürəcəm" sözləri ilə təhdid edib. Psixologiyası pozulub, yata bilmir. Gözlərini bağladığı an "Mert gəldi" deyib, ağlayır. Türkayın Mertdən olan 5 aylıq körpəsi var. Dövlət himayəsindədir".
Dünya
- Rusiya Ukrayna şəhərlərini ballistik raketlərlə vurdu
- Moskvada daha bir DƏHŞƏT
- Məşhur aktyor "Oskar"a çılpaq qatıldı
- Zəlzələdə anasını itirdi, bir gün sonra oğlu dünyaya gəldi
- İnsult keçirən ustad aktyorun son vəziyyəti açıqlandı
- Türkiyədə 100 mindən çox şəxsi aldadan “Tosuncuk” həbsxanada - Tanınmaz halda - FOTO
Sizin üçün seçdik
İndi oxunanlar
Həftənin hitləri
- Rusiya Ukrayna şəhərlərini ballistik raketlərlə vurdu 912 dəfə oxunub
- Faiq Ağayev: "Damlanın dəyişimini çox bəyənirəm" 596 dəfə oxunub
- Qəbələdə dəhşət: 18 yaşlı qız tövlədə özünü asdı 587 dəfə oxunub