Ölkə şokda - vəliəhd şahzadə təcavüzə məruz qalıb
İsveçin məşhur "Svenska Dagbladet" qəzeti vəliəhd şahzadə Viktoriyanın təcavüzə məruz qaldığını ortaya çıxarıb.
Qəzetdə bununla bağlı yayımlanan məqalədən sonra ölkə bir-birinə dəyib.
Belə ki, ötən aylarda Hollivud rejissoru Hervey Veinsteynin aktrisaları cinsi istismar etməsi ilə bağlı ortaya çıxan xəbərlərin ardından bütün dünyada "#metoo" həştəqi ilə təcavüzə məruz qalan qadınlara dəstək aksiyası başladılmış və sözügedən kampaniyaya İsveç şahzadəsi Viktoriya da qoşulmuşdu.
Onun dəstək aksiyasına qatılmasından sonra təcavüzə məruz qaldığı ilə bağlı iddialar ortaya atılıb.
İsveçin ən çox oxunan "Svenska Dagbladet" qəzetinə danışan 3 nəfər ölkənin tanınmış fotoqrafı Jan Kloud Arnaultun şahzadəni cinsi istismar etdiyini söyləyiblər.
Son zamanlarda Nobel mükafatını verən İsveç Akademiyasında baş vermiş qalmaqaldan sonra ortaya çıxan bu iddialar ölkəni bir-birinə qatıb. Belə ki, Arnault barəsində yayılan təcavüz ittihamlarının ardından İsveç Akademiyasının üzvü olan həyat yoldaşının vəzifədən istefası tələb olunub, lakin səsvermədə əleyhinə kifayət qədər səs verilmədiyi üçün vəzifəsində qalıb. Bu səbəbdən Akademiyanın 3 digər üzvü işdən çıxıblar.
İsveç mətbuatına danışan rəsmilər Arnaultun şahzadə Viktoriyaya 2006-cı ildə təcavüz etdiyini desələr də, kraliyət ailəsindən bununla bağlı hələlik heç bir açıqlama verilməyib.
Kraliyət ailəsinin sözçüsü Marqarita Zorgen yazılanlarla bağlı bunları deyib:
"Mətbuatda çıxan iddialar qorxuncdur. Kraliyət ailəsi "#metoo" kampaniyasına dəstək vermişdi, lakin mətbuatdakı iddialara şərh verməyim mümkün deyil".
mənbə: qaynarinfo
Dünya
- Moskvada daha bir DƏHŞƏT
- Məşhur aktyor "Oskar"a çılpaq qatıldı
- Zəlzələdə anasını itirdi, bir gün sonra oğlu dünyaya gəldi
- İnsult keçirən ustad aktyorun son vəziyyəti açıqlandı
- Türkiyədə 100 mindən çox şəxsi aldadan “Tosuncuk” həbsxanada - Tanınmaz halda - FOTO
- İranda məktəbli oğlan anasının baş örtüyü ilə özünü asdı
Sizin üçün seçdik
İndi oxunanlar
Həftənin hitləri
- ANS-in keçmiş aparıcısı həmcinsi ilə nişanlandı - FOTO 940 dəfə oxunub
- İmtahanda yüksək bal toplayan Mələkxanım bu tanınmış şəxsin qızı imiş 589 dəfə oxunub
- Aytən Səfərova ağır qəzaya düşdü 580 dəfə oxunub
- Nar-dan xüsusi təklif: 10%-dək endirimlə smartfon! 580 dəfə oxunub
- Fransa Azərbaycandakı səfirini geri çağırıb 577 dəfə oxunub