Türkmənbaşının hədiyyələri idmançılardan geri alınır

10:12 09.05.2018

Dünya

Türkmənistanda V Asiya Oyunlarının bəzi çempionlarından prezidentin hədiyyələri geri alınır.

Mynews.az oxu.az-a istinadən xəbər verir ki, bu barədə “Azadlıq” radiosunun Türkmənistan xidməti məlumat yayıb.

Söhbət 2017-ci ilin sentyabr ayında Aşqabadda keçirilən yarışlardan gedir.

Türkmənistan iqtisadi böhran keçirdiyi halda, sözügedən idman tədbirinin keçirilməsinə milyardlarla dollar xərclənib.

Həmin vaxt yarışda qalib gələn türkmən idmançılara medallardan savayı, müxtəlif qiymətli əşyalar, o cümlədən “Toyota Camry GL” avtomobilləri hədiyyə edilmişdi.

Məhz bu avtomobillər türkmən atletlərdən alınıb.

Məlumata əsasən, avtomobillər hədiyyə edildikdən sonra çempionlara onlardan istifadə etməmələri tapşırılıb. Üstündən bir ay keçməmiş, təhlükəsizlik orqanının əməkdaşları avtomobilləri səbəbsiz şəkildə müsadirə edib.

“Soruşsalar deyin ki, avtomobilləri satmışıq”, – deyə atletlərə bildirilib.

Azı üç idmançının beləcə Türkmənistan prezidentinin hədiyyəsindən məhrum olduğu deyilir.

MƏNİM XƏBƏRLƏRİM

Dünya

Sizin üçün seçdik

İndi oxunanlar

Həftənin hitləri

Mynews.az