Mynews.az
MƏNİM XƏBƏRLƏRİM

Sarkisyanın ailəsi qanunsuz varlanmaqda ittiham olunur

Ermənistanın keçmiş prezidenti Serj Sarkisyanın qardaşı - xüsusi tapşırıqlar üzrə səfir Levon Sarkisyan, onun oğlu Narek və qızı Ani qanunsuz varlanmaqda və mülkiyyətləri barədə bəyannamə təqdim etməkdən yayınmaqda ittiham olunur.

Mynews.az xəbər verir ki, bu haqda TASS məlumat yayıb.

“Narek Sarkisyanın mənzilində aparılan axtarış zamanı atası Levon Sarkisyan və bacısı Ani Sarkisyanın adına 6,8 milyon dollar məbləğində bank əmanəti üzrə sənədlər aşkarlanıb”, -deyə məlumatda qeyd olunur.

Ermənistanın dövlət gəlirləri komitəsinin təhqiqatçıları bildirib ki, Sarkisyan ailəsinin üzvləri öz bəyannamələrində bu iri məbləğli aktivləri göstərməyib.

Bununla əlaqədar onlara qarşı bəyannamədən yayınma və qanunsuz varlanma maddələri ilə cinayət işi açılıb.

Xatırladaq ki, keçmiş Ermənistan liderinin qardaşı Levon Sarkisyan 1998-ci ildən bəri müxtəlif ərəb ölkələrində səfir olub (Suriya, Tunis, İordaniya).

Whatsapp

Sizin üçün seçdik

Həftənin hitləri

loading...