Bloqer “layk”lara görə övladlarını incidirmiş - VİDEO

16:24 03.08.2018

Dünya

Məşhur amerikalı bloqer və “YouTube”da “CJ SO COOL” kanalının müəllifi Ceyms Bredinin zövq xatirinə övladlarına işlətmə dərmanı verməsi izləyicilərin qəzəbinə səbəb olub.

Mynews.az xəbər verir ki, bununla bağlı “The Daily Mail” məlumat yayıb.

Videoda görünür ki, 29 yaşlı Bredi dondurmanın içərinə çox sayda işlətmə dərmanı qatıb və onu uşaqlarına təklif edir. Bir saat yarım keçdikdən sonra zarafatcıl ata övladlarının ağrıdan əziyyət çəkdiklərini və tez-tez ayaqyoluna qaçdıqlarını lentə alır.

Video 2016-cı ildə paylaşılıb və iki il müddətində “Youtube”da qalıb. Bir müddət əvvəl isə “Babe.net” portalı videonu yenidən paylaşıb.

Video yerləşdirildikdən sonra izləyicilər məsələ ilə bağlı hüquq-mühafizə orqanlarına şikayət ediblər. Həmin vaxt polis araşdırma aparıldığını açıqlasa da, bunun nəticəsi ilə bağlı ictimaiyyətə heç bir məlumat verilməyib.

oxu.az

MƏNİM XƏBƏRLƏRİM

Dünya

Sizin üçün seçdik

İndi oxunanlar

Həftənin hitləri

Mynews.az