İran İraqla sərhədi bağladı

09:57 08.09.2018

Dünya

İran hökuməti İraqla sərhəddə Şelamçə sərhəd buraxılış məntəqəsini bağlamağı qərara alıb.

Mynews.az-ın məlumatına görə, bu barədə “Sky News Arabia” məlumat yayıb.

Bildirilir ki, buna səbəb cümə günü İraqın Bəsrə şəhərində İranın Baş Konsulluğunun binasını yandırılması olub.

İran diplomatik nümayəndəliyi öz vətəndaşlarını nümayişlər keçirilən İraq vilayətini dərhal tərk etməyə çağırıb.

Son məlumata görə, Bəsrədə etirazlarda 20 mindən çox insan iştirak edib. Nümayişlər zamanı bir nəfər ölüb, 11 nəfər yaralanıb.

İraq hökuməti Bəsrədə komendant saatı tətbiq edib.

Mynews.az