Həbsxanada yer olmadığı üçün qatil azadlığa buraxıldı

09:39 21.10.2018

Dünya

Ukraynada barəsində qanuni hökm qüvvəyə minən yeniyetmə qatili azadlğa buraxılıb.

Mynews.az xəbər verir ki, bu barədə ölkənin Baş prokurorunun müavini Yevgeniy Yenin “Facebook” səhifəsində yazıb.

O təəccüblə qeyd edib ki, buna səbəb kimi islah müəssisəsində boş yerin olmaması göstərilib. Yeninin sözlərinə görə, qətlə yetirilənin qohumları azadlıqda gəzən qatillə üz-üzə gəldikdə və izahat üçün hüquq mühafizə orqanlarına müraciət etdikdə, məhz belə izahat eşidiblər.

Hadisədə iştirak edən Ukraynanın polis əməkdaşları barəsində xidməti araşdırma başladılıb. Bundan əlavə, ölkənin bütün regionlarında cəzaçəkmə müəssisələrində yoxlamalar aparılacaq. Qalmaqala səbəb olan qatil isə artıq dəmir barmaqlıqlar arxasına göndərilib.

MƏNİM XƏBƏRLƏRİM

Dünya

Sizin üçün seçdik

İndi oxunanlar

Həftənin hitləri

Mynews.az