Türkiyədə otellər bu yay belə işləyəcək - Qaydalar
Türkiyədə koronavirusla bağlı karantin rejimi qaydalarının yumşaldılması istiqamətində turizm sahəsində normallaşma planı hazırlanıb.
Mynews.az "Qafqazinfo" istinadən xəbər verir ki, yeni plana görə, bütün nəqliyyat daşıyıcılarında dezinfeksiyaedici vasitələr olacaq, yanaşı oturacaqlardan biri boş qalacaq.
Otel ərazisinin yalnız 60%-nin müştərilərlə dolu olmasına icazə veriləcək. Otelə gələn müştərinin maskası olmazsa, o, həmin vasitə ilə təmin ediləcək. Turistin girişdə hərarəti ölçüləcək. Binanın qəbul şöbəsində sosial məsafə cizgisi çəkiləcək. Virus əleyhinə fərqli dillərdə broşurlar və məlumat vərəqələri paylanacaq. Liftlər, dəhlizlər daxil olmaqla, otelin müxtəlif yerlərinə dezinfeksiyaedici vasitələr qoyulacaq.
Qapı tutacaqları, sensor ekranlar, nəzarət panelləri, tualetlər və dəzgahların üzəri dezinfeksiya ediləcək. Gözləmə zallarında sıxlığa yol verməmək üçün oturacaqların və kresloların sayı azaldılacaq. Otaqlardakı su qızdırıcıları, televiziya və kondisioner pultları turist oteldən getdikdən sonra dezinfeksiya ediləcək. Otaqlar 12 saat boş saxlanılacaq.
Üzgüçülük hovuzu, şezlonqlar olan sahələrdə sosial məsafə gözlənilməlidir. Turistin hovuza girmədən əvvəl riayət etməli olduğu qaydalar yazılmış lövhələr gözlə görülə bilən yerlərdə asılacaq. Fitnes salonu və SPA sahələri bu il bağlı olacaq.
Qeyd edək ki, Türkiyədə Ramazan bayramından sonra ölkədaxili, iyunun 12-dən sonra isə xarici uçuşlar başlayacaq. Xaricdən Türkiyəyə ilk uçuşlar Almaniya və Rusiyadan ediləcək. Ancaq bu uçuşlar hər iki ölkədə epidemiya riskinin az olduğu şəhərlərin hava limanlarından ediləcək.
Dünya
- Məşhur aktyor "Oskar"a çılpaq qatıldı
- Zəlzələdə anasını itirdi, bir gün sonra oğlu dünyaya gəldi
- İnsult keçirən ustad aktyorun son vəziyyəti açıqlandı
- Türkiyədə 100 mindən çox şəxsi aldadan “Tosuncuk” həbsxanada - Tanınmaz halda - FOTO
- İranda məktəbli oğlan anasının baş örtüyü ilə özünü asdı
- Yaponiyada zəlzələ nəticəsində ölənlərin sayı artdı
Sizin üçün seçdik
İndi oxunanlar
Həftənin hitləri
- Universitet və kolleclərə sənəd verənlərin sayı açıqlandı 1089 dəfə oxunub
- Koronavirus ömrü qısaldır - ARAŞDIRMA 1074 dəfə oxunub
- Məktəb direktoru işdən çıxarıldı 1074 dəfə oxunub
- Azərbaycanda əlaçı şagird, olimpiadaların iştirakçısı intihar etdi 1024 dəfə oxunub
- Tarkan sevənlərinə MÜJDƏLİ XƏBƏR - "İnanın ki..." 1016 dəfə oxunub