Zelenski Putinə şərtlərini açıqladı: "Bunları edin, barışıq olsun!"

15:32 17.03.2022

Dünya

Zelenski Rusiya ilə danışıqlarda prioritetlərini açıqlayıb.

Mynews.az xəbər verir ki, Ukrayna prezidenti Volodimir Zelenski bəyan edib ki, Ukraynada müharibə ilə bağlı Rusiya ilə danışıqlarda onun prioritetləri münaqişəyə son qoymaq, təhlükəsizliyə təminat vermək, suverenliyin və ərazi bütövlüyünün bərpasıdır.

Rusiya əsgərlərinə müraciət edən Zelenski onlara Ukraynada döyüş meydanında ölməkdənsə, silahlarını yerə qoymağı təklif edib:

"Silahını yerə qoyan hər bir rus əsgərinin sağ qalmaq şansı olacaq. Silahlarınızı yerə qoyun. Bu, döyüş meydanında, bizim torpaqlarımızda ölməkdən yaxşıdır”, - deyə Zelenski bildirib.

Zelenski Rusiyanın mühasirədə olan Mariupolda yerləşən yüzlərlə insanın gizləndiyi teatra qəsdən güclü bomba atdığını və bunun nəticəsində binanın çökdüyünü vurğulayıb:

"Ölənlərin sayı hələ məlum deyil. Rusiya xalqımıza, bizim Mariupolumuzu, Donetsk bölgəmizi bərbad günə qoyub”.

Zelenski həmçinin dünyanın Rusiyanı terrorçu dövlət kimi qəbul etdiyini bildirib.

MƏNİM XƏBƏRLƏRİM

Dünya

Sizin üçün seçdik

İndi oxunanlar

Həftənin hitləri

Mynews.az