Qoç - birgə fəaliyyət, əməkdaşlıq üçün münasib zamandır. Bilavasitə sizinlə bağlı olmasa da, yazınlarınız və dəyər verdiyiniz insanları narahat edən problemi həll edə bilərsiniz. Alış-veriş etmək mümkündür. Peşəkar fəaliyyətlə bağlı planları, biznes-ideyaları təhlil və müzakirə edin.
Günün ikinci yarısında yaxınlarınız və ailə üzvləriniz sizi dəstəkləyəcək, ideyalanızı həyata keçirməkdə yardımçı olacaqlar. Yeni tanışlıqlar üçün pis vaxt deyil.
Lakin romantik münasibətin istədiyiniz təki inkişaf etməməsinə hazır olun.
Buğa - günün ilk yarısında emosiyalarınızın əsiri olmayın, hisslərinizin köləsinə çevrilməyin. Yaxınlarınızla mübahisə etməyin. Qarşıdurma üçün səbəb çox mənasızdır. Ümumi işə və ya əməkdaşlığa başlamaq olar. Genişmiqyaslı, böyük layihənin gerçəkləşdirilməsi istiqamətində ilk addımı atın.
Dərhal uğura nail olmasanız da, səylərin birləşdirilməsi öz nəticəsini verəcək.
Günün ikinci yarısında yaşam potensialının səviyyəsi yüksəkdir. Aktiv istirahəti seçin, gəzintiyə çıxın. Ailə üzvləri, dostlar və yaxınlarla birliklə vaxt keçirsəniz, pozitiv emosiyalar alacaqsınız.
Normal istirahət etməyə çalışın.
Əkizlər - uğurlu və əlverişli gündür. Aktiv, enerjili olun. Bir qədər əvvəl yol verdiyiniz səhvlərin fəsadlarını aradan qaldıra bilərsiniz. Belə şansı əldən verməyin. Əhvalınız yaxşılaşacaq, yaxınlarınızın kefləri kökələcək.
Günün ikinci yarısı alış-veriş üçün əlverişlidir. Potensial tərəfdaşla aparılan danışıqlar uğurlu nəticə verə bilər.
Axşam saatlarında özünüzü bihal hiss etsəniz də, səhhətiniz üçün ciddi problemlər yoxdur. Sakit, rahat istirahət qüvvələrinizi sürətlə bərpa etməyə imkan verəcək.
Xərçəng - mühüm işlərə başlamayın. Onları təxirə salmaq istəməsəniz də, reallıqlara tabe olun. Məqsədə doğru gelən yolda ciddi maneələrin yaranması istisna deyil. Onların bəzilərini istəmədən xətirlərinə dəydiyiniz insanlar yaradacaqlar. Həmin adamlarla danışmağa, münasibətləri aydınlaşdırmağa, situasiyaya aydınlıq gətirməyə çalışın. Belədə ortaq məxrəcə gəlmək olar.
Günün ikinci yarısı kiçik səfər və ya səyahət üçün əlverişlidir. Yolda yaxşı xəbərlər alacaqsınız. Alış-veriş üçün münasib zaman deyil. Əsla ehtiyac duymadığınız əşyanı baha qiymətə almağınızla bağlı risk var.
Şir - müsbət təmayüllərin təsiri artır. Başladığınız işlərdə uğur qazana bilərsiniz. İntuisiyanız iti olsun. Səhvlərə yol verməyin. Qərarlar tələsik olsa belə, yaxın perspektivdə hadisələrin inkişaf məcrasını təxminləməyə çalışın.
Günün ikinci yarısında birmənalı olmayan, qarışıq situasiyaları tez təhlil edin. Ciddi çətinliklərlə üzləşmiş insanlara yardım edin, məsləhətlərinizi əsirgəməyin. Uzunmüddətli planlar qurmaq, genişmiqyaslı işlərə başlamaq olar.
Yardımçı və müttəfiq tapacağınıza şübhələnməyin.
Bilik və bacarıqların artırılması, informasiyaların əldə olunması, elmi məxəzlərlə iş üçün əlverişli zamandır. Başqalarının ideya və təcrübəsindən yararlana bilərsiniz.
Qız - başqalarının işlərinə müdaxilə etməyin, kimsənin də sizin işlərinizə qarışmasına imkan verməyin. Ailə üzvləri ilə bağlı məsələnin müzakirəsi üçün əlverişli zamandır.
Tərəflərin hamısını təmin edən qərara gəlmək mümkündür. Qəfil, amma çox xoş və sərfəli təklif alacaqsınız.
Etiraflar da istisna deyil.
Günün ikinci yarısı dövlət qurumlarının nümayəndələri, rəsmi yetkililərlə görüş üçün pis deyil. Alış-verişdə bahalı əşyalar almaq olar.
Tərəzi - səhər saatlarından etibarən sürəkli problemlər və çətinliklər olacaq. Laqeydlik, işə ciddi yanaşmamaq, istirahət və ya əyləncəyə can atmaq ciddi səhvlərə səbəb ola bilər. Düşülməmiş addımlar və tələsik qərarların fəsadlarının acı olacağını düşünün. Pulları asanlıqla xərcləməyin. Maliyyə vəsaiti daha ciddi işlər üçün gərək ola bilər.
Dəstəyinə bel bağladığınız insanlar günün ikinci yarısında vədlərinə əməl etməyəcəklər. Bu səbəbdən də çətin işin öhdəsindən təkbaşına gəlməli olacaqsınız.
Yaşam potensialının səviyyəsi yüksəkdir. Səhhətinizdə problemlər yaranmayacaq.
Əqrəb - diqqət mərkəzində olacaqsınız. Tərif və ya tənqid eşidəndə emosiyalarınıza nəzarət edin. Gəlirlər, habelə nəzərdə tutulmamış ödəniş ola bilər. Çoxdan bəri arzuladığınız əşyanı almaqdan çəkinməyin.
Yaxşı bələd olmadığınız insanın təklifini qəbul etməyə tələsməyin.
Günün ikinci yarısı yeni işlərə başlamaq üçün əlverişlidir.
Axşam saatlarında gəzintiyə çıxmaq olar. Tək qalmayın, ailə üzvləri və yaxınlarınızın yanında olun.
Oxatan - yaradıcılıq potensialının səviyyəsi yüksəkdir. Yeni ideyaların reallaşmasında dostlar və qohumlar yardım edəcəklər. Hətta ən cəsur, ambisioz planları həyata keçirə bilərsiniz. Mövcud ənənələri pozmaqdan, qaydalara qarşı çıxmaqdan çəkinməyin. Başladığınız işlərdə uğura nail olacaqsınız.
Günün ikinci yarısı yeni tanışlıqlar üçün əlverişlidir. Sizi ilk dəfə görən insanlarda xoş təəssürat yaratmağa çalışın. Alış-veriş zamanı nəzərdə tutduğunuz əşya və ya məhsulları alın. Spontan alışlar etməyin.
Oğlaq - xroniki ağrılardan biri kəskinləşə bilər. Profilaktik tədbirlərə əl atın, həkimin məsləhət bildiyi dərmanları uzaqda saxlamayın. Əlverişli gündür. Maliyyə və əmlak məsələlərinin həlli, habelə şəxsi münasibətlər müstəvisində yaranmış çətinliklərin aradan qaldırılması üçün səy göstərə bilərsiniz.
Günün ikinci yarısında ətrafınızdakı insanlarla münasibətləri korlamayın. Yaşam təcrübəsi sizə istənilən çətin situasiyadan çıxmağa imkan verəcək. Qərar qəbul edərkən yaxşıca düşünün, daşının. Boş və mənasız işlərə görə bədbinliyə qapılmayın.
Axşam saatlarında xoş sürprizlə qarşılaşa bilərsiniz. Çoxdan gözlədiyiniz xəbəri ala bilərsiniz.
Dolça - səhər saatlarından etibarən avantüra və riskli işlərə qatılmayın. Qüvvəniz və ya potensialınız xaricində olan işlərə təkbaşına başlamayın.
Məntiqi eqoizm işə yarayar. Realist olun, praqmatcasına davranın. Sizdən sui-istifadə etməyə çalışan manipulyatorların planlarını alt-üst edin.
Günün ikinci yarısında bir qədər əvvəl başlanan və yarımçıq qalan işlərə qayıtmaq olar. Həmin işləri mütləq bitirin. Gərilmiş münasibətlərin normallaşdırılması, kəsilən əlaqələrin bərpası üçün yaxşı zamandır.
Axşam saatlarında normal istirahət etməyə çalışın.
Balıqlar - şəxsi münasibətlərdə təşəbbüskar olun. Bu, sevdiyiniz, dəyər verdiyiniz insanı sevindirə bilər. Çətin və ya naqolay vəziyyətə düşməkdən çəkinməyin. Belə situasiya yaşansa belə, durumdan çıxmağı bacarın. Qeyri-adi, orijinal əşyalar almaq olar.
Günün ikinci yarısında ideyalarınızdan birini dostlarınızla həyata keçirə bilərsiniz. Zərərli vərdişlərdən heç olmasa müvəqqəti əl çəkin. Sağlam qidalanın, rasiona fikir verin. Axşam saatlarında özünüzü gümrah hiss edəcəksiniz.
Dəvət aldığınız yerə yollanmağı unutmayın.
