Azərbaycan rəqsi ilə festivalda mükafat qazandılar

Rusiyanın Kirov vilayətində fəaliyyət göstərən "Elegiya" rəqs qrupu Santk-Peterburqda keçirilən festivala qatılıb. 

Axşam.az xəbər verir ki, azərbaycanlı rəqqasənin də yer aldığı qrup "Baltiskaya jemçuzina" adlı festivaldan mükafatla qayıdıb. 

Qrupun müəlliməsi Sofiya Konstantinova "Mükafat almağı bacardıq. Bizim kollektiv həm də festivalın açılışını etdi. Eyni zamanda qala konsertdə çıxış etmək dəvəti aldıq" deyə, bildirib. 

Rəqqaslar festivalda Azərbaycan mahnısı sədaları altında rəqslər nümayiş etdiriblər. Onlar Azərbaycan toy rəqsini oynayıblar.