Fuad Poladov vəfat etdi

09:09 05.05.2018

Mədəniyyət

Azərbaycanın Xalq artisti Fuad Poladov vəfat edib.

Mynews.az xəbər verir ki, bu barədə sosial şəbəkələrdə məlumat yayılıb.

1948-ci ildə Bakıda anadan olan aktyor sənətə 1966-cı ildə “İstintaq davam edir” filmində çəkildiyi Səlim rolu ilə gəlib.

O, səhnə fəaliyyətinin 20 ildən çoxunu Azərbaycan Dövlət Akademik Milli Dram Teatrında keçirib.

Aktyor bir çox kinofilmlərdə bədii obrazlar yaradıb. O, “Ad günü”, “Ağasadıq Gəraybəyli”, “Ailə”, “Aktrisa”, “Arxada qalmış gələcək”, “Beşmərtəbəli evin altıncı mərtəbəsi”, “Cəza”, “Əlvida, cənub şəhəri”, “Yeddi oğuldan biri”, “Fatehlərin divanı”, “İşarəni dənizdən gözləyin”, “İstintaq davam edir”, “Küçələrə su səpmişəm” və digər filmlərdə yaddaqalan obrazları ilə insanların sevimlisinə çevrilib.

Qeyd edək ki, Azərbaycanın xalq artisti F. Poladov bir müddət Milli Onkologiya Mərkəzində müalicə alıb. Onun səs tellərində problem yaranıb və danışmaqda çətinlik çəkib.

Allah rəhmət eləsin!

MƏNİM XƏBƏRLƏRİM

Mədəniyyət

Sizin üçün seçdik

İndi oxunanlar

Həftənin hitləri

Mynews.az