Qusman Bakı haqqında: Dünyada ikinci belə yer yoxdur
Dünən tanınmış kino və teatr rejissoru, teleaparıcı, aktyor, Rusiyanın Əməkdar incəsənət xadimi, Azərbaycanın Xalq artisti, Bakıda doğulanYuli Qusmanın 75 yaşı tamam olub.
Mynews.az xəbər verir ki, “StarXit” nəşrinə müsahibə verən Yuli Solomonoviç doğma şəhəri Bakı və getməyi xoşladığı yerlər, eləcə də, Emin Ağalarovla dostluğu haqqında danışıb.
“Mənim balaca vətənim... Dünyada ikinci belə yer yoxdur. Əgər hələ də getməmisinizsə, məsləhət görürəm. Çox güclü dəyişikliklər baş verib. Əvvəllər şəhər beş mərtəbədən hündür olmayan binalarla mehriban, ailəvi və sadə idi. İndi isə hündürmərtəbəli binaları ilə Dubaya çevirilib.
1980-cı ildə dağlarda “Qorxma, mən səninləyəm” filmini çəkmişəm. Ətrafda yalnız təbiət vardı. 30 il keçib, ikinci hissəyə başlamışıq. Buraya gələndə başa düşürəm ki, kadrları bir tərəfdən götürmək olar, ancaq yollar fantastikdir!
Tədbirlərin sayı artıb – Avropa Olimpiya Oyunları, “Formula 1” yarışları... Emin Ağalarov isə “Jara” festivalı ilə Azərbaycanın paytaxtını yenidən canlandırdı. Biz dostluq edirik. O, çox yaxşı və düzgün insandır. Möhtəşəm tədbiri ildə bir dəfə o, böyük məbləğlər üçün deyil, xalq üçün edir. Az qala yadımdan çıxmışdı: burada yeganə qalan yerli sakinlərin qonaqpərvərliyi və sadəliyidir, eləcə də, inanılmaz meyvə və tərəvəzlərdir”, - Y.Qusman bildirib.
Səfər etmək üçün ən çox xoşladığı yerlə bağlı sualı cavablandıran qocaman KVN-çi deyib:
“Mənim evim Rusiya və Azərbaycandır. Mən ABŞ-ı çox sevirəm, orada uşaqlarım yaşayır, İngiltərəni sevirəm, kürəkənim oralıdır, İsraili dostlarıma görə sevirəm. Ona görə konkret demək çətindir. Daim ora-bura uçuram. İşsiz və hərəkətsiz yaşamaq darıxdırıcıdır!”
Mədəniyyət
- Şuşada “Xarıbülbül” Beynəlxalq Musiqi Festivalı başlayır
- "Ruhəngiz Honk-Konqda dünyasını dəyişib" - Bəstəkarlar İttifaqının katibi danışdı
- “Dəyər ver”in növbəti layihəsi Şuşaya həsr olunub - VİDEO
- Aktyor və rejissor Rafiq Əliyev vəfat etdi
- SON DƏQİQƏ: Məşhur filmimizin "Zaur"u evində ölü tapıldı - TƏFƏRRÜAT
- Azərbaycanın xalq artisti VƏFAT ETDİ
Sizin üçün seçdik
İndi oxunanlar
Həftənin hitləri
- ANS-in keçmiş aparıcısı həmcinsi ilə nişanlandı - FOTO 979 dəfə oxunub
- İmtahanda yüksək bal toplayan Mələkxanım bu tanınmış şəxsin qızı imiş 949 dəfə oxunub
- Nar-dan xüsusi təklif: 10%-dək endirimlə smartfon! 939 dəfə oxunub
- Aytən Səfərova ağır qəzaya düşdü 938 dəfə oxunub
- Fransa Azərbaycandakı səfirini geri çağırıb 936 dəfə oxunub