Rusiyanın Nijne Taqil Gənc Tamaşaçılar Teatrının aktyorları "Geniş açılmış gözlərlə baxış" adlı tamaşanın səhnələşdirilməsinə etiraz olaraq şəhər Meriyasına müraciət ediblər.
Metbuat.az xəbər verir ki, buna səbəb azyaşlılar üçün nəzərdə tutulmuş tamaşada erotik səhnələrin yer almasıdır. Onlar iddia edib ki, tamaşada qadınla kişi münasibətlərinin intim xırdalıqları öz əksini tapıb.
Tamaşanın sonunda hətta baş qəhrəmana özünü güllələmək təklif olunan səhnə də var.
Sözügedən teatrın tamaşaçı auditoriyası 17 yaşa qədər azyaşlılardan ibarətdir.
Bütün etirazlara məhəl qoymayan teatr rəhbərliyi martın 24-də tamaşanın premyerasını etməyə hazırlaşır.
