Səudiyyə Ərəbistanı neftin qiymətlərini çökdürüb
![](https://img.mynews.az/news/2017/05/photo_10276.jpg)
Brent markalı neftin qiyməti dünən, mayın 2-də 4%-ə yaxın azalaraq 50,14 dollar/barelə enib.
Mynews.az-ın məlumatına görə, “Report” “Vesti”yə istinadən xəbər verir ki, neft qiymətlərinin düşməsinə səbəb Səudiyyə Ərəbistanının ardıcıl üçüncü ay satış qiymətlərinə endirimi artırması amili olub.
Belə ki, “Arab Light” markalı neft son 9 ayın maksimal endirim qiyməti ilə, “Extra Light” və “Super Light” markalı daha yüngül neft markaları isə iyun ayında 0,6 və 0,7 dollar endirimlə satılacaq.
Ekspertlər bildirirlər ki, səudiyyəlilərin başqa çıxış yolu qalmayıb. Çünki İran və İraq Asiya bazarında onların iştirak payını mənimsəməyə başlayıb.
Səudiyyə Ərəbistanının növbəti endirimlə bağlı xəbəri Brent markalı neftin qiymətini 50 dollar/barelə qədər endirsə də, dünən gecə saatlarında ABŞ-da neft və benzin ehtiyatlarının kəskin azalması qiymətlərdə azalmanın qarşısını ala bilib.
Belə ki, ABŞ-da 22-28 aprel həftəsində neft ehtiyatları 2016-cı ildən bu günədək maksimal həcmdə - 4,1 mln. barel azalma göstərib. Benzin ehtiyatlarında azalma isə 2 mln. barelə yaxın olub.
“Report”un analitik qrupu bildirir ki, neft qiymətləri bir qədər də azaldıqdan sonra may ayının 25-də keçiriləcək OPEK-in iclasının vaxtı yaxınlaşdıqca yüksəlməyə başlayacaq.
Lakin proqnozlar göstərir ki, neftin qiymətinin 60 dollar/barel səviyyəsini keçməsi çətin olacaq. Neft qiymətlərinin 47-48 dollar/barelə qədər azalması mümkündür.
İqtisadiyyat
- Manat və lirənin məzənnəsi: Rubl bahalaşdı, avro ucuzlaşdı
- Azərbaycan nefti BAHALAŞIB
- Dollarda bahalaşma davam edir - Məzənnə rekord səviyyəyə yüksəlib
- Dollar bahalaşır, avro ucuzlaşır – Manat necə olacaq?
- Milli brend “Təbio” təqdim edildi! - FOTOLAR
- Azərbaycanda bir dollar niyə fantastik qiymətə satılır? - AÇIQLAMA
Sizin üçün seçdik
İndi oxunanlar
Həftənin hitləri
- “Nar”ın əsas tərəfdaşlığı ilə “Balloon Festival” keçirildi - FOTOLAR 1186 dəfə oxunub
- Prezident generalı rektor TƏYİN ETDİ 1141 dəfə oxunub
- Bu gün nəşi tapılan hərbçimizin tərxis olunmasına 20 gün qalıbmış (YENİLƏNİB) 1129 dəfə oxunub
- Dilarə yataq otağından görüntülərini yaydı - VİDEO 1058 dəfə oxunub