SOCAR-ın törəmə şirkəti ləğv olundu

İqtisadiyyat

13:06 07.06.2017

“SOCAR-KPŞ” MMC ləğv olunduğunu elan edib.

Mynews.az xəbər verir ki, bu barədə “Vergilər” qəzetinin xüsusi buraxılışında yer alan elanda deyilir.

Bildirilir ki, kreditorlar iki ay ərzində tələblərini Bakı şəhəri, S.Rütəm küçəsi 18 ünvanına bildirə bilərlər.

Məlumat üçün qeyd edək ki, “SOCAR-KPŞ” SOCAR-ın törəməsidir. Şirkətin saytında yer alan məlumatda deyilir ki, onun yaradılmasında məqsəd, neft-qaz sənayesi sektorunda Azərbaycan neftçilərinin hərtərəfli təcrübəsindən istifadə edərək müasir idarəetmə metodları və elm-texnikanın ən son nailiyyətlərini birləşdirməklə işlərin yerinə yetirilməsinə qadir olan bir təşkilatın yaradılmasıdır. O da vurğulanıb ki, “SOCAR-KPŞ” MMC Azərbaycanın neft-qaz və kimya sənayesi obyektlərində bir sıra layihələr həyata keçirib.

Bu arada, SOCAR həm də yeni şirkət yaradıb.“SOCAR IT” MMC  adlanan şirkət dövlət qeydiyyatına alınıb. Şirkətin qanuni təmsilçisi Əhmədov Vüsal Mehman oğludur. MMC-nin nizamnamə kapitalı 50 min manat təşkil edir.Şirkətin hüquqi ünvanı: Bakı şəhəri, Nərimanov rayonu, Heydər Əliyev prospekti ev 113.