Ömürlük müavinətin təyin olunması qaydası dəyişdi

15:04 07.06.2017

İqtisadiyyat

Azərbaycan Nazirlər Kabineti “Pensiya yaşına çatmasına, əlilliyinə və ya sağlamlıq imkanlarının məhdudluğuna görə, könüllü işdən çıxmış, dövlət qulluğunda xidmət illərinin minimum həddinə və əmək pensiyası almaq hüququna malik olmayan dövlət qulluqçularına təyin edilən ömürlük müavinətin təyin olunması Qaydası”da dəyişiklik edib.

Mynews.az “Report”a istinadən xəbər verir ki, dəyişikliklə bağlı qərarı baş nazir Artur Rasi-zadə imzalayıb.

Dəyişikliyə əsasən, müavinət bundan sonra müavinət alan şəxsin arzusu ilə onun və ya müvafiq qaydada etibarnamə verilmiş şəxsin Azərbaycanda fəaliyyət göstərən bankdakı hesabına köçürülür.

Xatırladaq ki, indiyə qədər müavinət alan şəxsin arzusu ilə müavinət onun Azərbaycan bankında şəxsi hesabına köçürülə və müvafiq qaydada etibarnamə verilmiş şəxsə verilə bilərdi.

MƏNİM XƏBƏRLƏRİM

İqtisadiyyat

Sizin üçün seçdik

İndi oxunanlar

Həftənin hitləri

Mynews.az