“Əgər bir neçə il bundan əvvəl idxal üçün 11 sənəd tələb olunurdusa, hazırda bu rəqəm 4-ə düşüb”.
Mynews.az xəbər verir ki, bunu Avropa İttifaqı - Azərbaycan biznes-forumunda çıxış edən Dövlət Gömrük Komitəsinin (DGK) sədr müavini Şahin Bağırov deyib.
Nazir müavini deyib ki, ixrac üçün tələb olunan sənədlərin də sayı əhəmiyyətli dərəcədə azaldılıb və hazırda 3-ə düşüb.
O, Azərbaycanın Gürcüstanla sərhədində yeni ticarət ofisinin yaradılacağını da qeyd edib: “Gömrük sahəsində aparılan islahatlar sırasında elektron bəyannamələrlə bağlı məsələlər xüsusi yer tutur. Bu gün biz gömrük bəyannamələrinin 98%-nin elektron şəkildə verilməsinə nail olmuşuq”.
