Cari ilin II rübündə yerüstü tikililər üzrə qiymətlər 0,3 faiz, yol və körpü tikintisi üzrə qiymətlər isə 0,8 faiz bahalaşıb.
Mynews.az xəbər verir ki, ümumilikdə tikintidə (tikinti-quraşdırma işlərində) istehsalçı qiymətləri əvvəlki rüblə müqayisədə 0,4 faiz yüksəlib. Yerüstü tikililər üzrə qiymət 2017-ci ilin II rübündə I rübə nisbətən 0,3 faiz artıb. Ötən ilin müvafiq dövrü ilə müqayisədə artım 7,9 faiz olub.
Yaşayış evləri üzrə qiymət indeksi 2017-ci ilin II rübündə I rübə nisbətdə 0,2, 2016-cı ilin yanvar-iyun aylarına nisbətdə 7,6 faiz bahalaşıb.
5 mərtəbəyə qədər yaşayış evlərinin tikintisi üzrə qiymətlər cari ilin 6 ayında ötən ilin müvafiq dövrünə nisbətdə 7,4 faiz, 6 və çoxmərtəbəli yaşayış evlərinin tikintisi 7,6 faiz yüksəlib.
