Dünya birjalarında neft bahalaşıb.
Mynews.az xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,45 dollar və ya 0,92% artaraq, 49,11 dollar təşkil edib.
ICE London qitələrarası birjasında Brent markalı neftin 1 barelinin dəyəri isə 0,77 dollar və ya 1,44% artaraq, 54,15 dollar olub. Nəticədə Brent markalı neftin qiyməti mayın 25-dən etibarən ilk dəfə 54 dolları ötüb.
