Neftin qiyməti maksimuma çata bilər - PROQNOZ

10:19 29.09.2017

İqtisadiyyat

Dünya birjalarında neftin qiyməti müxtəlif istiqamətlərdə dəyişir.

Mynews.az APA-ya istinadən xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,07 dollar və ya 0,14% azalaraq, 51,49 dollar təşkil edib.

ICE London qitələrarası birjasında Brent markalı neftin 1 barelinin dəyəri isə 0,17 dollar və ya 0,30% artaraq, 57,58 dollar olub.

"S&P Dow Jones"un departament rəhbəri Codi Qunzberq CNBC telekanalına müsahibəsində bildirib ki, son həftələr ərzində neftin qiymətində müşahidə olunan artım tendensiyası davam edəcək. Onun fikrincə, nəhayət, bazarda "real balanslaşma" başlanıb. C. Qunzberqin proqnozuna əsasən, təklif defisitlə üzləşərsə, neftin qiyməti 80, hətta 85 dollaradək yüksələ bilər. "Qiymət artımı anidən baş verməyəcək. Onun dəstəyə ehtiyacı var", - deyə o vurğulayıb.

MƏNİM XƏBƏRLƏRİM

İqtisadiyyat

Sizin üçün seçdik

İndi oxunanlar

Həftənin hitləri

Mynews.az